Ońtústik Koreıa prezıdenti Iýn Sok Ioldiń kómekshileri jáne ákimshilik basshylary sársenbi kúni jappaı otstavkaǵa ketti, dep habarlaıdy «Adyrna» ulttyq portaly Yonhap News agenttigine silteme jasap.
Ońtústik Koreıa prezıdentiniń ákimshiligindegi onǵa jýyq joǵary laýazymdy qyzmetker otstavkaǵa ketti. Olardyń ishinde prezıdent apparatynyń basshysy Chon Djın Sok, ulttyq qaýipsizdik jónindegi keńesshi Sın Von Sık, saıası máseleler jónindegi apparat basshysy Son Te Iýn jáne taǵy basqa jeti aǵa kómekshi bar.
Bul otstavkalar 3 jeltoqsan kúni keshke prezıdent Iýn Sok Ioldiń elde áskerı jaǵdaı jarııalap, oppozıııany «antı-memlekettik kúshter» dep aıyptaýynan keıin boldy. Ol oppozıııany eldegi jumys úderisterin bıýdjetti qysqartý týraly zań jobasyn jáne ımpıchment usynysyn paıdalaný arqyly turaqsyzdandyrýǵa tyrysýda dep aıyptady.
Degenmen, Ońtústik Koreıanyń Ulttyq Assambleıasy bul tótenshe jaǵdaı rejımin engizý usynysyn qabyldamaı, oǵan qarsy daýys berdi. Nátıjesinde prezıdent 6 saǵattan keıin ásker jaǵdaı toqtatyldy dep habarlady.
