قاراعاندى جاستار رەسۋرستىق ورتالىعى جاستار ۇيىمدارىنىڭ، جوعارى وقۋ ورىندارى مەن كوللەدجدەردىڭ ەرىكتىلەرى ءۇشىن "ەكوجاستار: بولاشاق ءبىزدىڭ قولىمىزدا" سەمينار-ترەنينگىن ۇيىمداستىردى. ول "تازا قازاقستان" باعدارلاماسى اياسىندا ءوتتى.
ەكولوگيالىق ءىس-شارانى باسىنان اياعىنا دەيىن قالاي ۇيىمداستىرۋعا بولاتىنى جايلى قاراعاندىلىق ەكوترەنەر، ساياحاتشى جانە سالاۋاتتى جانە ەكولوگيالىق ءومىر سالتى بويىنشا جاتتىقتىرۋشى دامير كارىموۆ ايتىپ بەردى.
ول نەگىزدەردەن باستادى. ەكوترەنەر ءتۇرلى ۇيىمدارمەن – باق، اكىمدىك، ەكولوگيالىق ۇەۇ جانە ت.ب. ءوزارا ءىس-قيمىل تۋرالى ەگجەي-تەگجەيلى ايتىپ بەردى. ءارتۇرلى ءىس-شارالاردى: اكتسيالاردى، الەۋمەتتىك كونكۋرستاردى، مارافونداردى، شەبەرلىك ساباقتارىن، دارىستەردى جانە ت. ب. ەكولوگيالىق شارالاردى وتكىزۋ تاسىلدەرى قاراستىرىلدى.
– جەكە تاجىريبەمە سۇيەنە وتىرىپ، مەن ءبىر ماڭىزدى ماسەلەنى كوتەردىم – ەكولوگيالىق ءىس-شارالاردىڭ ەكولوگيالىق ەمە بولۋى. ونى ءبىر رەت قولدانىلاتىن ىدىس-اياق، شارلار، باننەرلەر قولدانىلعان كەزدە بايقاۋعا بولادى. بۇل ءىس-شارانىڭ زيانى پايداسىنان گورى كوبىرەك. سونىمەن قاتار تەك ەرەكشەلىكتەرمەن عانا ەمەس، قاتەلىكتەرمەن دە ءبولىستىم. بولاشاقتا ەكولوگيالىق ءىس-شارالاردى ۇيىمداستىرۋشىلار جاعىمسىز ساتتەردەن اۋلاق بولۋ ءۇشىن، – دەيدى دامير كارىموۆ.
سونداي-اق، سەمينارعا قاتىسۋشىلار جاستاردىڭ ەكولوگيالىق ساۋاتتىلىعىن ارتتىرۋعا كومەكتەسەتىن وزەكتى ماسەلەلەردى تالقىلادى.
"تازا قازاقستان" باعدارلاماسى باستالعاننان بەرى قاراعاندى جاستار رەسۋرستىق ورتالىعى 100-دەن استام ەكولوگيالىق ءىس-شارا ۇيىمداستىردى. 2024 جىلدىڭ ماۋسىم ايىنان باستاپ وڭىردە التى اۋقىمدى اكتسيا، ترەنينگ جانە ت. ب. وتكىزىلدى.
