Qaraǵandy Jastar resýrstyq ortalyǵy jastar uıymdarynyń, joǵary oqý oryndary men kolledjderdiń eriktileri úshin "EkoJastar: Bolashaq bizdiń qolymyzda" semınar-trenıngin uıymdastyrdy. Ol "Taza Qazaqstan" baǵdarlamasy aıasynda ótti.
Ekologııalyq is-sharany basynan aıaǵyna deıin qalaı uıymdastyrýǵa bolatyny jaıly qaraǵandylyq ekotrener, saıahatshy jáne salaýatty jáne ekologııalyq ómir salty boıynsha jattyqtyrýshy Damır Kárimov aıtyp berdi.
Ol negizderden bastady. Ekotrener túrli uıymdarmen – BAQ, ákimdik, ekologııalyq ÚEU jáne t.b. ózara is-qımyl týraly egjeı-tegjeıli aıtyp berdi. ártúrli is-sharalardy: akııalardy, áleýmettik konkýrstardy, marafondardy, sheberlik sabaqtaryn, dáristerdi jáne t. b. ekologııalyq sharalardy ótkizý tásilderi qarastyryldy.
– Jeke tájirıbeme súıene otyryp, men bir mańyzdy máseleni kóterdim – ekologııalyq is-sharalardyń ekologııalyq eme bolýy. Ony bir ret qoldanylatyn ydys-aıaq, sharlar, bannerler qoldanylǵan kezde baıqaýǵa bolady. Bul is-sharanyń zııany paıdasynan góri kóbirek. Sonymen qatar tek ereksheliktermen ǵana emes, qateliktermen de bólistim. Bolashaqta ekologııalyq is-sharalardy uıymdastyrýshylar jaǵymsyz sátterden aýlaq bolý úshin, – deıdi Damır Kárimov.
Sondaı-aq, semınarǵa qatysýshylar jastardyń ekologııalyq saýattylyǵyn arttyrýǵa kómektesetin ózekti máselelerdi talqylady.
"Taza Qazaqstan" baǵdarlamasy bastalǵannan beri Qaraǵandy Jastar resýrstyq ortalyǵy 100-den astam ekologııalyq is-shara uıymdastyrdy. 2024 jyldyń maýsym aıynan bastap óńirde alty aýqymdy akııa, trenıng jáne t. b. ótkizildi.
