قاراعاندىدا 5 ناۋرىزدا جوعالىپ كەتكەن 27 جاستاعى اناستاسيا شەۆياكوۆا تابىلدى. ايەل پىشاق جاراقاتىنىڭ ىزدەرىمەن، ورمان القاپتارىنان تابىلدى، - دەپ حابارلايدى "ادىرنا" پورتالى.
ايەلدىڭ ءولىمىنىڭ ءمان-جايىن قاراعاندى وبلىستىق پد ءباسپاسوز قىزمەتى حابارلادى. ۆەدومستۆونىڭ مالىمەتىنشە، 27 ناۋرىز كۇنى تاڭەرتەڭ قازىبەك بي اتىنداعى اۋدانداعى ورمان القاپتارىنان جاس ايەلدىڭ دەنەسى تابىلعان.
"27 ناۋرىزدا بۇرىن ءىز-ءتۇزسىز جوعالعاندار تىزىمىندە تۇرعان 27 جاستاعى قالا تۇرعىنىنىڭ پىشاق جاراقاتتارىمەن ءمايىتى تابىلدى. بۇل فاكتى بويىنشا قر قك «كىسى ءولتىرۋ» 99-بابىنىڭ 1-بولىگى بويىنشا سوتقا دەيىنگى تەرگەۋ باستالدى. جەدەل ىزدەستىرۋ ءىس-شارالارى بارىسىندا كريمينالدىق پوليتسيا قىزمەتكەرلەرى 26 جاستاعى كۇدىكتىنى انىقتاپ، قولعا ءتۇسىردى»، - دەپ حابارلادى وبلىستىق ءىىد ءباسپاسوز قىزمەتى.
سونداي-اق دەپارتامەنت كۇدىكتىنىڭ مويىنداعانىن قوستى. ونىڭ ايتۋىنشا، ول 5 ناۋرىز كۇنى مارقۇممەن اۋىزشا جانجالداسىپ قالعان. ۇيىندە بولا تۇرىپ، تۋىنداعان جانجال كەزىندە جابىرلەنۋشىنى پىشاقتاپ، قىلمىستى جاسىرۋ ءۇشىن مارقۇمنىڭ دەنەسىن ورمانعا اپارىپ كومگەن.
"كۇدىكتى ۋاقىتشا ۇستاۋ يزولياتورىنا قامالدى. تەرگەۋ جۇرگىزىلۋدە", - دەپ اتاپ ءوتتى دەپارتامەنتتەگىلەر.
"ادىرنا" ۇلتتىق پورتالى