Qaraǧandy Jastar resurstyq ortalyǧy jastar ūiymdarynyŋ, joǧary oqu oryndary men kolledjderdıŋ erıktılerı üşın "EkoJastar: Bolaşaq bızdıŋ qolymyzda" seminar-treningın ūiymdastyrdy. Ol "Taza Qazaqstan" baǧdarlamasy aiasynda öttı.
Ekologiialyq ıs-şarany basynan aiaǧyna deiın qalai ūiymdastyruǧa bolatyny jaily qaraǧandylyq ekotrener, saiahatşy jäne salauatty jäne ekologiialyq ömır salty boiynşa jattyqtyruşy Damir Kärımov aityp berdı.
Ol negızderden bastady. Ekotrener türlı ūiymdarmen – BAQ, äkımdık, ekologiialyq ÜEŪ jäne t.b. özara ıs-qimyl turaly egjei-tegjeilı aityp berdı. ärtürlı ıs-şaralardy: aksiialardy, äleumettık konkurstardy, marafondardy, şeberlık sabaqtaryn, därısterdı jäne t. b. ekologiialyq şaralardy ötkızu täsılderı qarastyryldy.
– Jeke täjıribeme süiene otyryp, men bır maŋyzdy mäselenı köterdım – ekologiialyq ıs-şaralardyŋ ekologiialyq eme boluy. Ony bır ret qoldanylatyn ydys-aiaq, şarlar, bannerler qoldanylǧan kezde baiqauǧa bolady. Būl ıs-şaranyŋ ziiany paidasynan görı köbırek. Sonymen qatar tek erekşelıktermen ǧana emes, qatelıktermen de bölıstım. Bolaşaqta ekologiialyq ıs-şaralardy ūiymdastyruşylar jaǧymsyz sätterden aulaq bolu üşın, – deidı Damir Kärımov.
Sondai-aq, seminarǧa qatysuşylar jastardyŋ ekologiialyq sauattylyǧyn arttyruǧa kömektesetın özektı mäselelerdı talqylady.
"Taza Qazaqstan" baǧdarlamasy bastalǧannan berı Qaraǧandy Jastar resurstyq ortalyǧy 100-den astam ekologiialyq ıs-şara ūiymdastyrdy. 2024 jyldyŋ mausym aiynan bastap öŋırde alty auqymdy aksiia, trening jäne t. b. ötkızıldı.
