ەلىمىزدە 12 جاسقا دەيىنگى بالالاردى ەرەسەكتەردىڭ قاراۋىنسىز قالدىرۋعا زاڭمەن تىيىم سالىنۋى كەرەك. بۇل باستامانى بالا قۇقىقتارى جونىندەگى ۋاكىل دينارا زاكيەۆا كوتەردى، دەپ حابارلايدى «ادىرنا» ءتىلشىسى.
ايتۋىنشا، 2024 جىلعى قاڭتاردان 1 جەلتوقسانعا دەيىن بالالار قازا تاپقان 15 ءورت وقيعاسى تىركەلگەن. قايعىلى جاعدايلاردىڭ كوبى ولار ۇيدە جالعىز قالعان كەزدە بولعان.
«بۇل وقيعالاردى تالداي وتىرىپ، 12 جاسقا دەيىنگى بالالاردى ەرەسەكتەردىڭ قاراۋىنسىز قالدىرۋعا زاڭمەن تىيىم سالۋدى قاراستىرۋ قاجەت دەپ ەسەپتەيمىن. ارينە، بۇل رەتتە مۇقتاج وتباسىلارعا مەملەكەت تاراپىنان ءتيىستى كومەك كورسەتىلۋى قاجەت»،— دەپ اتاپ ءوتتى ومبۋدسمەن.
ەسكە سالايىق، بۇعان دەيىن اقمولا وبلىسى بۇلاندى اۋدانى شۇباراعاش اۋىلىندا جەكە تۇرعىن ۇيدە شىققان ءورت سالدارىنان ەكى بالا مەرت بولعان ەدى.
