Elimizde 12 jasqa deıingi balalardy eresekterdiń qaraýynsyz qaldyrýǵa zańmen tyıym salynýy kerek. Bul bastamany Bala quqyqtary jónindegi ýákil Dınara Zákıeva kóterdi, dep habarlaıdy «Adyrna» tilshisi.
Aıtýynsha, 2024 jylǵy qańtardan 1 jeltoqsanǵa deıin balalar qaza tapqan 15 órt oqıǵasy tirkelgen. Qaıǵyly jaǵdaılardyń kóbi olar úıde jalǵyz qalǵan kezde bolǵan.
«Bul oqıǵalardy taldaı otyryp, 12 jasqa deıingi balalardy eresekterdiń qaraýynsyz qaldyrýǵa zańmen tyıym salýdy qarastyrý qajet dep esepteımin. Árıne, bul rette muqtaj otbasylarǵa memleket tarapynan tıisti kómek kórsetilýi qajet»,— dep atap ótti ombýdsmen.
Eske salaıyq, buǵan deıin Aqmola oblysy Bulandy aýdany Shubaraǵash aýylynda jeke turǵyn úıde shyqqan órt saldarynan eki bala mert bolǵan edi.
