يتاليادا جۇمىسشىلاردىڭ مۇددەلەرى ەسكەرىلمەگەن بيۋدجەت جوباسىنىڭ بەكىتىلۋىنە قارسى اۋقىمدى ەرەۋىل ءوتتى، دەپ حابارلايدى "ادىرنا" ۇلتتىق پورتالى.
ەلدىڭ نەگىزگى قالالارىندا 500 مىڭعا جۋىق جۇمىسشى قاتىسقان 43 بەيبىت شەرۋ ۇيىمداستىرىلدى. نارازىلىق 8 ساعاتتىق ەرەۋىل تۇرىندە بولدى. بۇل دەنساۋلىق ساقتاۋ، ءبىلىم بەرۋ، مەملەكەتتىك ورگاندار مەن كولىك سالاسىن قامتىدى.
ANSA اگەنتتىگى ەڭ ءىرى دەمونستراتسيا بولونيادا وتكەنىن حابارلادى. شەرۋ بارىسىندا يتاليا جالپى ەڭبەك كونفەدەراتسياسىنىڭ (Cgil) باسشىسى ماۋريتسيو لانديني ءسوز سويلەپ، ۇكىمەتكە جۇمىسشىلاردىڭ تالاپتارىن ورىنداۋعا شاقىردى.
كاسىپوداقتاردىڭ دەرەگىنشە، ەرەۋىلدى ەلدەگى جۇمىسشىلاردىڭ 70%-دان استامى قولدادى. شارا بارىسىندا تەك تۋريندە پوليتسيامەن قاقتىعىستار بولعانى مالىمدەندى.
يتاليادا ساعاتىنا 9 ەۋرو بولاتىن ەڭ تومەنگى جالاقى شەگىن ورناتۋ ءۇشىن ۇزاق ۋاقىت بويى كۇرەس ءجۇرىپ جاتىر.
