İtaliiada jūmysşylardyŋ müddelerı eskerılmegen biudjet jobasynyŋ bekıtıluıne qarsy auqymdy ereuıl öttı, dep habarlaidy "Adyrna" ūlttyq portaly.
Eldıŋ negızgı qalalarynda 500 myŋǧa juyq jūmysşy qatysqan 43 beibıt şeru ūiymdastyryldy. Narazylyq 8 saǧattyq ereuıl türınde boldy. Būl densaulyq saqtau, bılım beru, memlekettık organdar men kölık salasyn qamtydy.
ANSA agenttıgı eŋ ırı demonstrasiia Boloniada ötkenın habarlady. Şeru barysynda İtaliia jalpy eŋbek konfederasiiasynyŋ (Cgil) basşysy Maurisio Landini söz söilep, ükımetke jūmysşylardyŋ talaptaryn oryndauǧa şaqyrdy.
Käsıpodaqtardyŋ deregınşe, ereuıldı eldegı jūmysşylardyŋ 70%-dan astamy qoldady. Şara barysynda tek Turinde polisiiamen qaqtyǧystar bolǧany mälımdendı.
İtaliiada saǧatyna 9 euro bolatyn eŋ tömengı jalaqy şegın ornatu üşın ūzaq uaqyt boiy küres jürıp jatyr.
Ūqsas jaŋalyqtar
