الماتى پوليتسياسى باقىتجان ساعىنتاەۆتىڭ بۇرىنعى كۇيەۋ بالاسى، كاسىپكەر باقىت يبراگيمنىڭ ءوز-وزىنە قول جۇمساۋىنا قاتىستى تەرگەۋدى توقتاتتى. بۇل تۋرالى الماتى پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
"المالى اۋدانىنىڭ پوليتسيا باسقارماسى بۇل دەرەك بويىنشا قر قىلمىستىق كودەكسىنىڭ 105-بابى، 1-بولىگى ء(وزىن-ءوزى ولتىرۋگە يتەرمەلەۋ) بويىنشا قىلمىستاردىڭ بىرىڭعاي تىزىلىمىنە تىركەلگەن قىلمىستىق ءىس شەڭبەرىندە سوتالدى تەرگەۋ جۇرگىزدى. ءتيىستى ساراپتامالىق زەرتتەۋلەر تاعايىندالدى. تەرگەۋ شارالارى كەشەنىنىڭ ناتيجەلەرى بويىنشا قىلمىستىق ءىس بويىنشا ءىس جۇرگىزۋ قر قپك-ءنىڭ 35-بابى 1-بولىگى 2-تارماعى نەگىزىندە توقتاتىلدى ء(ىس-ارەكەتتە قىلمىستىق قۇقىقبۇزۋشىلىق قۇرامىنىڭ بولماۋىنا بايلانىستى - ەسك.)", - دەپ جاۋاپ بەردى الماتى پوليتسيا دەپارتامەنتى Tengrinews.kz ساۋالىنا.
بۇل شەشىمدى الماتى قالاسى المالى اۋدانىنىڭ پروكۋراتۋراسى بەكىتكەنى ايتىلعان.
ەسكە سالايىق، بيىل ناۋرىزدا كاسىپكەر باقىت يبراگيم ءولى تابىلدى دەگەن اقپارات تاراعان ەدى. وندا باقىت يبراگيم وزىنە قول سالعانى جازىلعان. كەيىن پوليتسيا بۇل دەرەكتى راستادى.
