Almaty polisiiasy Baqytjan Saǧyntaevtyŋ būrynǧy küieu balasy, käsıpker Baqyt İbragimnıŋ öz-özıne qol jūmsauyna qatysty tergeudı toqtatty. Būl turaly Almaty polisiia departamentı mälımdedı, dep habarlaidy “Adyrna” ūlttyq portaly.
"Almaly audanynyŋ polisiia basqarmasy būl derek boiynşa QR Qylmystyq kodeksınıŋ 105-baby, 1-bölıgı (özın-özı öltıruge itermeleu) boiynşa qylmystardyŋ bıryŋǧai tızılımıne tırkelgen qylmystyq ıs şeŋberınde sotaldy tergeu jürgızdı. Tiıstı saraptamalyq zertteuler taǧaiyndaldy. Tergeu şaralary keşenınıŋ nätijelerı boiynşa qylmystyq ıs boiynşa ıs jürgızu QR QPK-nıŋ 35-baby 1-bölıgı 2-tarmaǧy negızınde toqtatyldy (ıs-ärekette qylmystyq qūqyqbūzuşylyq qūramynyŋ bolmauyna bailanysty - esk.)", - dep jauap berdı Almaty Polisiia departamentı Tengrinews.kz saualyna.
Būl şeşımdı Almaty qalasy Almaly audanynyŋ prokuraturasy bekıtkenı aitylǧan.
Eske salaiyq, biyl nauryzda käsıpker Baqyt İbragim ölı tabyldy degen aqparat taraǧan edı. Onda Baqyt İbragim özıne qol salǧany jazylǧan. Keiın polisiia būl derektı rastady.
