Almaty polıııasy Baqytjan Saǵyntaevtyń burynǵy kúıeý balasy, kásipker Baqyt Ibragımniń óz-ózine qol jumsaýyna qatysty tergeýdi toqtatty. Bul týraly Almaty polıııa departamenti málimdedi, dep habarlaıdy “Adyrna” ulttyq portaly.
"Almaly aýdanynyń polıııa basqarmasy bul derek boıynsha QR Qylmystyq kodeksiniń 105-baby, 1-bóligi (ózin-ózi óltirýge ıtermeleý) boıynsha qylmystardyń biryńǵaı tizilimine tirkelgen qylmystyq is sheńberinde sotaldy tergeý júrgizdi. Tıisti saraptamalyq zertteýler taǵaıyndaldy. Tergeý sharalary kesheniniń nátıjeleri boıynsha qylmystyq is boıynsha is júrgizý QR QPK-niń 35-baby 1-bóligi 2-tarmaǵy negizinde toqtatyldy (is-árekette qylmystyq quqyqbuzýshylyq quramynyń bolmaýyna baılanysty - esk.)", - dep jaýap berdi Almaty Polıııa departamenti Tengrinews.kz saýalyna.
Bul sheshimdi Almaty qalasy Almaly aýdanynyń prokýratýrasy bekitkeni aıtylǵan.
Eske salaıyq, bıyl naýryzda kásipker Baqyt Ibragım óli tabyldy degen aqparat taraǵan edi. Onda Baqyt Ibragım ózine qol salǵany jazylǵan. Keıin polıııa bul derekti rastady.
