موڭعولياداعى بىرنەشە اقپاراتتىق باسىلىمدار قازاقستاننىڭ قوعام جانە ساياسي قايراتكەرى عالىمجان جاقيانوۆتىڭ تەرگەلىپ جاتقانى تۋرالى اقپارات تاراتۋدا، دەپ حابارلايدى “ادىرنا” ۇلتتىق پورتالى.
بۇقارالىق اقپارات قۇرالدارى قازاقستاندىق ساياساتكەرگە قاتىستى ءىس قوزعالىپ، ونىڭ تاۋ-كەن جۇمىستارىنا موڭعول قوعامىنىڭ نارازىلىعى تۋرالى حابارلادى.
Tsahiur.mn ينتەرنەت-پورتالى عالىمجان جاقيانوۆ موڭعوليادا تاۋ-كەن وندىرۋمەن اينالىساتىن ALGT تاۋ-كەن كومپانياسىنىڭ ديرەكتورى ەكەنىن اتاپ ءوتتى. بۇل كومپانيا وندىرگەن شيكىزاتتى ەكسپورتتاۋى موڭعول حالقىنىڭ نارازىلىعىن تۋعىزىپ، ۇيىم باسشىسى جاقيانوۆ موڭعوليا بايلىعىن جىمقىردى دەپ ايىپتالىپ وتىر.
Zuuna Madee باسىلىمى قازاقستاندىق ساياساتكەر قازىر تەرگەۋدە دەپ حابارلايدى. سونىمەن، جۋرناليستەردىڭ ايتۋىنشا، موڭعوليانىڭ قۇقىق قورعاۋ ورگاندارىنا جاقيانوۆ قىتايلىق كومپانيانى الداعانى تۋرالى ارىز تۇسكەن. قازاقستاندىق ۇيقاماققا الىندى، تەرگەۋ جالعاسۋدا.
ونىڭ ۇستىنە جاقيانوۆقا موڭعوليانىڭ مەملەكەتتىك بيۋدجەتىنە سالىق تولەمەگەنى ءۇشىن ايىپ تاعىلدى. وعان قوسا، باسىلىم اتاپ وتكەندەي، ساياساتكەر ەلدىڭ پايدالى قازبالارىن يگەرۋدە، بۇل موڭعول جۇرتشىلىعىنىڭ مۇددەسىنە قايشى كەلەدى.
بۇعان دەيىن، 2015 جىلدان بەرى بەلگىلى جۋرناليست گۇلجان ەرعاليەۆا بىرنەشە سوت وتىرىسىنان كەيىن ع.جاقيانوۆقا قارىزعا بەرگەن اقشاسىن قيىندىقپەن قايتارىپ العان.
اقشا تەك سوتتىڭ تىكەلەي شەشىمىمەن جانە وسىعان بايلانىستى جاۋاپكەرگە قويىلعان شەكتەۋلەرمەن قايتارىلدى.
”ادىرنا” ۇلتتىق پورتالى
