استانادا LED-ەكرانداردىڭ بىرىندە رەسەي تۋى ۋاقىتشا ۋكراينا تۋىمەن اۋىسۋ وقيعاسىنا قاتىستى دەرەك انىقتالدى، دەپ حابارلايدى "ادىرنا" ۇلتتىق پورتالى.
"مەملەكەتتىك تەحنيكالىق قىزمەت" اق شابۋىلدىڭ شەتەلدىك IP-مەكەنجايلار ارقىلى جاسالعانى انىقتالدى.
"2024 جىلعى 27 قاراشادا استاناداعى LED-ەكرانداردىڭ بىرىندە كورسەتىلىپ تۇرعان بەينە ۋاقىتشا وزگەرتىلىپ، تۋ اۋىستىرۋ فاكتىسى تىركەلدى. الدىن الا دەرەكتەر بويىنشا، شابۋىل شەتەلدىك IP-مەكەنجايلاردان پروكسي-سەرۆەرلەردى پايدالانۋ ارقىلى جاسالعان", – دەلىنگەن رەسمي حابارلامادا.
مەملەكەتتىك تەحنيكالىق قىزمەت ماسەلەنىڭ پايدا بولۋ مەحانيزمى مەن اسەر ەتۋ كوزىن انىقتاۋ جۇمىستارىن جۇرگىزۋدە.
بۇل فاكتى بويىنشا ىشكى ىستەر ورگاندارى قىلمىستىق ءىس قوزعادى.
