باس پروكۋراتۋرا ارعىن نىعماتۋلينگە قاتىستى قوزعالعان قىلمىستىق ءىستىڭ قاي باپ بويىنشا تەرگەلىپ جاتقانىن مالىمدەدى، دەپ حابارلايدى "ادىرنا" ۇلتتىق پورتالى.
قۇزىرلى ورگاننىڭ رەسمي جاۋابىنا سايكەس، ارعىن نىعماتۋلين مەن وزگە دە تۇلعالارعا قر قىلمىستىق كودەكسىنىڭ 189-بابى 4-بولىگىنىڭ 2-تارماعى ("سەنىپ تاپسىرىلعان بوتەن مۇلىكتى يەمدەنۋ نەمەسە تالان-تاراجعا سالۋ") بويىنشا ايىپ تاعىلىپ وتىر.
"سوت شەشىمىمەن نىعماتۋلين ا.ز.-عا قاتىستى قاماۋعا الۋ تۇرىندەگى بۇلتارتپاۋ شاراسى سانكتسيالاندى جانە ول ىزدەۋگە جاريالاندى", – دەپ حابارلادى باس پروكۋراتۋرا.
تەرگەۋ قۇپيالىعىنا بايلانىستى قوسىمشا اقپارات جاريالانبايدى.
ايتا كەتەيىك، قىلمىستىق كودەكستىڭ 189-بابى 4-بولىگىنىڭ 2-تارماعىنا سايكەس، سەنىپ تاپسىرىلعان مۇلىكتى يەمدەنگەنى نەمەسە تالان-تاراجعا سالعانى ءۇشىن 7 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان. سونىمەن قاتار، مۇلكى تاركىلەنىپ، بەلگىلى ءبىر لاۋازىمداردى اتقارۋعا تىيىم سالىنۋى مۇمكىن.
بۇعان دەيىن انتيكوررۋپتسيالىق قىزمەت ەكس-ءماجىلىس توراعاسى نۇرلان نىعماتۋليننىڭ اعاسى – ارعىن نىعماتۋليندى ىزدەستىرىپ جاتقانىن حابارلاعان بولاتىن.
