يران پرەزيدەنتى ەل استاناسىن اۋىستىرماق، دەپ حابارلايدى "ادىرنا" ۇلتتىق پورتالى.
استانا تەگەراننان پارسى شىعاناعى جاعالاۋىنا كوشىرىلەدى. بۇل تۋرالى يران پرەزيدەنتى ماسۋد پەزەشكيان مالىمدەدى.
پەزەشكيان يران باسشىلىعىنىڭ ەلدىڭ ساياسي جانە ەكونوميكالىق ورتالىقتارىن رەسپۋبليكانىڭ وڭتۇستىك شەكارالارىنا، پارسى شىعاناعى جاعالاۋلارىنا كوشىرۋدەن باسقا جولى جوق ەكەنىن مالىمدەدى.
«بۇل ماسەلەنى ەلەمەۋگە بولمايدى، ءبىزدىڭ ەلىمىز بولاشاقتا ەكولوگيالىق داعدارىسقا جانە باسقا دا كوپتەگەن ماسەلەلەرگە تاپ بولۋى مۇمكىن»، - دەدى يران باسشىسى مينيسترلەر كابينەتىنىڭ وتىرىسىندا.
تەگەران - الەمدە حالىق ەڭ كوپ شوعىرلانعان قالانىڭ ءبىرى. ايتا كەتەرلىگى، مۇندا ءزىلزالا قاۋپى دە جوعارى، سۋ تاپشىلىعى دا سەزىلەدى. تاۋلى ايماق بولعان سوڭ، جاڭا ينفراقۇرىلىم نىساندارىن سالۋ وڭاي ەمەس. سونىمەن قاتار، جاڭا استانا تاڭدالعاننان كەيىن بارلىق مەملەكەتتىك ۆەدومستۆولار كوشىرىلمەك.
