Iran prezıdenti el astanasyn aýystyrmaq, dep habarlaıdy "Adyrna" ulttyq portaly.
Astana Tegerannan Parsy shyǵanaǵy jaǵalaýyna kóshiriledi. Bul týraly Iran prezıdenti Masýd Pezeshkıan málimdedi.
Pezeshkıan Iran basshylyǵynyń eldiń saıası jáne ekonomıkalyq ortalyqtaryn respýblıkanyń ońtústik shekaralaryna, Parsy shyǵanaǵy jaǵalaýlaryna kóshirýden basqa joly joq ekenin málimdedi.
«Bul máseleni elemeýge bolmaıdy, bizdiń elimiz bolashaqta ekologııalyq daǵdarysqa jáne basqa da kóptegen máselelerge tap bolýy múmkin», - dedi Iran basshysy mınıstrler kabınetiniń otyrysynda.
Tegeran - álemde halyq eń kóp shoǵyrlanǵan qalanyń biri. Aıta keterligi, munda zilzala qaýpi de joǵary, sý tapshylyǵy da seziledi. Taýly aımaq bolǵan soń, jańa ınfraqurylym nysandaryn salý ońaı emes. Sonymen qatar, jańa astana tańdalǵannan keıin barlyq memlekettik vedomstvolar kóshirilmek.
