فوتو: روسكوسموس
يراندىق «Jam-e Jam 1» تەلەكوممۋنيكاتسيالىق سپۋتنيگى بەيسەنبى كۇنى رەسەيدىڭ «پروتون-م» زىمىران-تاسىعىشى ارقىلى بايقوڭىر عارىش ايلاعىنان وربيتاعا شىعارىلدى، دەپ حابارلايدى "ادىرنا".
يراندىق باق بۇل وقيعانى كەڭىنەن جاريالادى. اقپاراتقا سايكەس، بۇل سپۋتنيك يران ءۇشىن گەوستاتسيونارلىق وربيتادا قوعامدىق حابار تاراتۋعا ارنالعان العاشقى قۇرىلعى بولىپ سانالاتىنى اتاپ كورسەتىلگەن. «Jam-e Jam 1» يراندىق مەملەكەتتىك تەلەديدار حابارلارىن تاراتۋ ينفراقۇرىلىمىندا ماڭىزدى ءرول اتقارادى دەپ كۇتىلۋدە.
جەلتوقسان ايىنىڭ سوڭىندا رەسەيدىڭ «سويۋز-2.1ب» زىمىران-تاسىعىشى يران، بەلارۋس جانە ەكۆادور سپۋتنيكتەرىن وربيتاعا شىعاردى. بۇدان بولەك عارىشقا تاعى 50 اپپارات جىبەرىلدى. ولاردىڭ ىشىندە رەسەيلىك ۇيىمداردىڭ عىلىمي-تەحنيكالىق سپۋتنيكتەرى، سونداي-اق ماسكەۋ، سانكت-پەتەربۋرگ، سامارا، نيجني نوۆگورود، امۋر وبلىستارى مەن ياكۋتيادا جاسالعان ءبىلىم بەرۋ سپۋتنيكتەرى بار.
بۇل سپۋتنيكتەر جەردى قاشىقتىقتان زوندتاۋ، ەلەكتروماگنيتتىك ساۋلەلەنۋدى زەرتتەۋ، ميروۆوي مۇحيتتاعى كەمە قاتىناسىن باقىلاۋ، «زاتتاردىڭ ينتەرنەتى» قۇرىلعىلارىنىڭ سيگنالدارىن قابىلداۋ، سونداي-اق عارىشتىڭ ءتىرى ورگانيزمدەرگە اسەرىن زەرتتەۋ ماقساتىندا پايدالانىلادى.
