يراننىڭ Caspian Airlines اۋە كومپانياسىنا تيەسىلى ۇشاق ستامبۇل حالىقارالىق اۋەجايىندا ۋاقىتشا تۇتقىندالعاننان كەيىن تەگەرانعا قايتۋعا دايىندالىپ جاتىر، دەپ حابارلايدى "ادىرنا".
EP-KPB تىركەۋ ءنومىرلى اۋە كەمەسىن تۇرىك سوتىنىڭ شەشىمىمەن ACM Temsil Gözetim مونيتورينگ جانە سەرۆيستىك كومپانياسىنىڭ تالاپ-ارىزى بويىنشا ۋاقىتشا تۇتقىنداعان. بۇعان Caspian Airlines كومپانياسىنىڭ بۇعان دەيىن كورسەتىلگەن اۋەجاي جانە ديسپەتچەرلىك قىزمەتتەر ءۇشىن شامامەن 3 ميلليون ەۋرو (3,4 ميلليون دوللار) كولەمىندە بەرەشەگى سەبەپ بولعان.
ۇشاق ستامبۇلدان تەگەرانعا ۇشۋعا دايىندالىپ، جولاۋشىلار بورتقا مىنگەن كەزدە سوت ورىنداۋشىلارى مەن تالاپكەر تاراپتىڭ ادۆوكاتتارى اۋە كەمەسىنە كىرگەن. اتقارۋشى ورگانداردىڭ تالابىمەن جولاۋشىلار مەن ەكيپاج رەيستەن ءتۇسىرىلىپ، اۋەجاي تەرمينالىنا قايتارىلعان.
Caspian Airlines وكىلدەرىنىڭ مالىمەتىنشە، قۇقىقتىق راسىمدەر اياقتالىپ، ۇشاقتى پايدالانۋعا قويىلعان ۋاقىتشا شەكتەۋلەر الىنىپ تاستالعان. وسىدان كەيىن اۋە كەمەسىنىڭ يرانعا ۇشىپ كەتۋى كەلىسىلگەن.
