جامبىل وبلىسىندا جانتۇرشىگەرلىك جول اپاتى بولىپ، سەگىز ادام قازا تاپتى. بۇل تۋرالى پوليتسيا دەپارتامەنتى جاريالادى، دەپ حابارلايدى ”ادىرنا” ۇلتتىق پورتالى.
اقپاراتقا سايكەس، وقيعا 16 قىركۇيەك كۇنى كەشكى ۋاقىتتا بولعان. جول تالعامايتىن كولىك جۇرگىزۋشىسى قارسى جولاققا شىعىپ كەتىپ، جۇك كولىگى مەن شاعىن اۆتوبۋسقا سوقتىعىسقان.
«16 قىركۇيەك كۇنى ساعات 18:30 شاماسىندا "باتىس ەۋروپا – باتىس قىتاي" رەسپۋبليكالىق جولىنىڭ 526-شاقىرىمىندا جول-كولىك وقيعاسى بولدى. Cadillac Escalade جۇرگىزۋشىسى الدىندا كەلە جاتقان كولىكتى باسىپ وزامىن دەپ، قارسى جولاققا شىعىپ كەتكەن. سوسىن، DAF جۇك كولىگىمەن سوقتىعىسقان. سودان كەيىن Cadillac Escalade كولىگى ءوز جولاعىنا قايتا شىعىپ، گازەل كولىگىمەن سوقتىعىسقان. سالدارىنان ەكى كولىك ورتەندى»، – دەلىنگەن وبلىستىق پوليتسيا دەپارتامەنتىنىڭ حابارلاماسىندا.
اپات سالدارىنان ەكى جۇرگىزۋشى مەن بەس جولاۋشى، ونىڭ ىشىندە ەكى جاسار بالا وقيعا ورنىندا كوز جۇمدى. اتالعان فاكتى بويىنشا سوتقا دەيىنگى تەرگەۋ باستالدى.
