جامبىل وبلىسىندا جۇك پويىزى رەلستەن شىعىپ كەتتى، دەپ حابارلايدى “ادىرنا”.
17 شىلدە كۇنى ساعات 1:05-تە شۋ اۋدانى اسپارا ستانساسىندا تۇركسىب-شۋ ۋچاسكەسىندە تاراز-شۋ باعىتىنداعى جۇك پويىزىنىڭ ۆاگوندارى رەلستەن شىعىپ كەتكەنى تۋرالى اقپاراتتى «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتى جاريالادى.
ابىروي بولعاندا قازا بولعاندار مەن زارداپ شەككەندەر جوق. الايدا توتەنشە جاعدايعا بايلانىستى جولاۋشىلار پويىزدارى كەشىگۋدە. ولاردىڭ بارلىعى اۋىز سۋمەن قامتاماسىز ەتىلىپ، ۆاگوندار جۇمىس ىستەپ تۇر.
ءوز كەزەگىندە جامبىل وبلىسى توتەنشە جاعدايلار دەپارتامەنتى جولاۋشىلارعا پسيحولوگيالىق قولداۋ كورسەتۋ ءۇشىن سەنىم تەلەفونىن جاريالادى: 8(726 )51-35-75, 8(726) 41-41-67
