«حالىق» قايىرىمدىلىق قورىنىڭقولداۋىمەن جامبىل اۋدانى قورداي اۋىلىندا 14-15 ماۋسىم كۇندەرى 10-11 جاستاعى بالالاردان قۇرالعان 16 كوماندا اراسىندا «Halyk Open Cup» وبلىستىق ءتۋرنيرى ءوتتى.
#اۋىلفۋتبول جوباسى اياسىندا «Halyk Open Cup» وڭىرلىك تۋرنيرلەرى بۇعان دەيىن الماتى جانە سولتۇستىك قازاقستان وبلىستارىندا ءوتتى. الدا 11 وبلىستا جالعاسىن تابادى جانە وبلىستىق تۋرنيرلەردىڭ جەڭىمپاز كوماندالارى قازاندا الماتىدا وتەتىن رەسپۋبليكالىق تۋرنيردە باق سىنايتىن بولادى.
جامبىل وبلىسىندا وتكەن تۋرنيرەرەكشەلىگى - قورداي اۋىلىنان «بەست» قىزدار كومانداسىنىڭ باق سىناۋى. بۇل كوماندا فۋتبول ويناۋدى وتكەن جىلدىڭ جەلتوقسانىندا باستاسا دا ناتيجەلەرى جاقسى. بيىل بىشكەكتەوتكەن حالىقارالىق تۋرنيردە ۇزدىك بەستىك قاتارىنان كورىنگەن.
«حالىق» قورى قۇرىلعان سەگىز جىلعا جەتەر-جەتپەس ۋاقىتتا رەسپۋبليكا كولەمىندە ءتۇرلى باستامالار مەن الەۋمەتتىك جوبالاردى دامىتۋعا 85 ملرد. تەڭگەدەن استام قارجى ءبولدى. قوردىڭ دەمەۋشىلىگىنىڭ ارقاسىندا #اۋىلفۋتبول جوباسى جاڭا دەڭگەيگە كوتەرىلدى. ءبىر عانا مىسال - جوباداعى كوماندالار سانىنىڭ قىسقا مەرزىمدە ءتورت ەسە، ياعني 24 كوماندادان 110 كومانداعا دەيىن ارتۋى, - دەپ اتاپ ءوتتى «حالىق» قايىرىمدىلىق قورىنىڭ الماتى وبلىسى فيليالى ديرەكتورى عالىمبەك جاقسىلىقوۆ.
جامبىلدا وتكەن HALYK OPEN CUP وبلىستىق ءتۋرنيرىنىڭ قورىتىندىسىمەن:
ءى ورىندى كەنەن اۋىلىنىڭ «KENEN» كومانداسى;
ءىى ورىندى ءسادۋ شاكىروۆ اۋىلىنىڭ «شونا» كومانداسى;
ءىىى ورىندى قورداي اۋىلىنىڭ «S.Murtaza» كومانداسى يەلەندى.
سارسەنباي نۇرتازا (S.Murtaza) تۋءرنيردىڭ «ۇزدىك شابۋىلشىسى» اتانسا، «ۇزدىك قورعاۋشى»نوميناتسياسىمەن - تولەن سانجار (شونا), «ۇزدىك قاقپاشى» نوميناتسياسىمەن - تەمىربەك ەرجان (قاراتاۋ), «ۇزدىك ويىنشى»نوميناتسياسىمەن - اتابەك اڭسار (كەNEN), «ۇزدىك جاتتىقتىرۋشى» نوميناتسياسىمەن كەNEN كومانداسىنىڭ ترەنەرى جۇمابەك سۇلتان ماراپاتتالدى.
بارلىق جۇلدەگەرلەر «حالىق» قايىرىمدىلىق قورىنىڭ كۋبوكتارى جانەەكسكليۋزيۆتى مەدالدارىمەن ماراپاتتالدى. ۇيىمداستىرۋشىلار بۇل تۋرنير اۋىل بالالارى ءۇشىن ءوزىن-ءوزى كورسەتۋگە تاماشا مۇمكىندىك بولعانىن اتاپ ءوتتى.
«تۋرنيرلەر كوپ، بىراق ولار كوبىنەسە اۋىلكوماندالارى ءۇشىن قولجەتىمسىز. سەبەبى فورماعا اقشا كەرەك، جارىستاردا اقىلى، ياعني50-100 مىڭ تەڭگە ارالىعىندا تولەم جاساۋ قاجەت. ودان وزگە كوماندانى تاسىمالداۋ شىعىنى بار. بۇل اۋىل سپورتىنداعى نەگىزگى ماسەلەلەر. ءبىزدىڭ #اۋىلفۋتبول جوباسى اياسىندا «حالىق» قايىرىمدىلىق قورىنىڭ باس دەمەۋشىلىگىمەن 100 كوماندا قۇرال-جابدىقتارمەن جانە فورمامەن قامتاماسىز ەتىلىپ، تۋرنيرگە قاتىسۋ ءۇشىن جول اقىسى تولەندى جانە ءتۋرنيردىڭ ءوزى، بالالار ءۇشىن تەگىن، ەشقانداي الىمدار جوق»، - دەيدى #اۋىلفۋتبول جوباسىنىڭ جەتەكشىسى سەرىك مامبەتوۆ.
قوردىڭ باس دەمەۋشىلىگءىنە يە جوبانىڭ باستى ماقساتى – اۋىل بالالارىنىڭ سپورتپەن شۇعىلدانۋىنا مۇمكىندىك جاساۋ جانە سپورت ارقىلى جان-جاقتى تاربيەلەۋ. بۇل ماقساتتا «حالىق» قورى #اۋىلفۋتبول جوباسىنا ەنگەن كوماندالاردى قۇرال-جابدىقپەن قامتاماسىز ەتۋمەن قاتار قۇراما كوماندالاردىڭ ءتۇرلى دەڭگەيدەگى جارىستارعا قاتىسۋ، ارنايى بازالاردا وقۋ-جاتتىعۋ جيىنىنان ءوتۋ شىعىندارىنا قارجىلاي قولداۋ ءبىلدىرىپ وتىر.
سونداي-اق، جوبا اياسىندا رەسپۋبليكا بويىنشا وبلىستارداعى 100 اۋىل فۋتبول كوماندالارىنىڭ جاتتىقتىرۋشىلارى UEFA-نىڭ D ساناتى بويىنشا بىلىكتىلىگىن ارتتىرۋ كۋرسىنان ءوتىپ، سەرتيفيكاتتالدى جانە قوسىمشا ءتۇرلى ترەنينگتەرگە قاتىستىرىلۋدا.
ايتا كەتۋ كەرەك بۇل اۋقىمدى جۇمىستار «حالىق» قايىرىمدىلىق قورى مەن جوبا اۆتورى مامبەتوۆ سەرىك بولاتۇلى اراسىنداعى مەموراندۋم اياسىندا اتقارىلۋدا.
