قاراعاندى وبلىسىندا سالىنىپ جاتقان «Qaragandy Power Silicon» زاۋىتىندا جۇمىسشى قازا تاپتى، دەپ حابارلايدى «ادىرنا» ۇلتتىق پورتالى.
ەڭبەك ينسپەكتسياسى باسقارماسىنىڭ مالىمەتىنشە، قايعىلى وقيعا مونتاجداۋ جانە دانەكەرلەۋ جۇمىستارى كەزىندە بولعان.
«سالىنىپ جاتقان Qaraghandy power Silicon زاۋىتىندا قوسالقى مەردىگەر كومپانيانىڭ قىزمەتكەرى بيىكتىكتەن قۇلادى. ءبىز بۇل وقيعانى تەكسەرۋ ءۇشىن كوميسسيا قۇرامىز»، - دەپ حابارلادى قاراعاندى وبلىسىنىڭ ەڭبەك ينسپەكتسياسى.
وبلىستىق پوليتسيا دەپارتامەنتى بۇل وقيعا بويىنشا قىلمىستىق كودەكستىڭ 156-بابىنىڭ 3-بولىگى «ابايسىزدا ادام ولىمىنە اكەپ سوققان ەڭبەك قاۋىپسىزدىگى ەرەجەلەرىن بۇزۋ» بويىنشا سوتقا دەيىنگى تەرگەۋ باستالعانىن ايتتى.
«قاجەتتى ساراپتامالار تاعايىندالدى، ءمان-جايلار انىقتالۋدا»، - دەپ ءتۇسىندىردى پوليتسيا.
