بەلارۋس پرەزيدەنتى رەسەيگە جۇمىس ساپارىمەن بارىپ، ۆلاديمير پۋتينمەن جابىق فورماتتا كەلىسسوز وتكىزدى، دەپ حابارلايدى "ادىرنا".
كەزدەسۋ 26 ماۋسىم كۇنى ۆالدايداعى رەزيدەنتسيادا ءوتتى.
كرەملدىڭ مالىمەتىنشە، تاراپتار وداقتىق مەملەكەت اياسىنداعى ىنتىماقتاستىقتى، ساۋدا-ەكونوميكالىق بايلانىستاردى، بىرلەسكەن جوبالاردى جانە وڭىرلىك قاۋىپسىزدىك ماسەلەلەرىن تالقىلاعان.
لۋكاشەنكونىڭ بۇل ساپارى الدىن الا جاريالانبادى. سونىمەن قاتار كرەملدىڭ ءباسپاسوز حاتشىسى دميتري پەسكوۆ كەلىسسوز قورىتىندىسى بويىنشا باق وكىلدەرىنە مالىمدەمە جاسالمايتىنىن ايتتى.
كەزدەسۋ لۋكاشەنكونىڭ بەلارۋستىڭ ۋكرايناداعى سوعىسقا ارالاسپايتىنى تۋرالى مالىمدەمەسىنەن ءبىر كۇن وتكەن سوڭ ءوتتى. ول مينسك اسكەري ءىس-قيمىلدارعا قاتىسۋعا نيەتتى ەمەس ەكەنىن مالىمدەگەن بولاتىن.
ال The Wall Street Journal باسىلىمىنىڭ جازۋىنشا، سوڭعى ايلاردا ماسكەۋ مينسكىگە ۋكرايناداعى سوعىسقا بەلسەندىرەك قاتىسۋ جونىندە قىسىم جاساعان. الايدا بۇل اقپارات رەسمي تۇردە راستالعان جوق.
