قازاق مۋزىكا ونەرىنىڭ كورنەكتى وكىلى، كومپوزيتور نۇرسالعازى قىزىكەنۇلى 73 جاسقا قاراعان شاعىندا ومىردەن ءوتتى، دەپ حابارلايدى "ادىرنا".
نۇرسالعازى قىزىكەنۇلى قىتايدىڭ شىڭجاڭ ولكەسى، تارباعاتاي ايماعىنىڭ تولى اۋدانىنداعى اقبەلدەۋ اۋىلىندا دۇنيەگە كەلگەن. ول قازاق ءان ونەرىنە ەلەۋلى ۇلەس قوسىپ، ونداعان تانىمال اندەردىڭ اۆتورى اتانعان.
كومپوزيتوردىڭ «ناۋرىز»، «بەرەكە»، ء«ومىر تولعاۋى»، «قوش ەندى، قارلىعاش!»، «كوك تايىم»، «جالعىز ءان ساپ»، «مەيىربان انا» سەكىلدى شىعارمالارى شىڭجاڭداعى قازاق قاۋىمى اراسىندا كەڭىنەن تانىلىپ، بىرنەشە بۋىننىڭ سۇيىكتى اندەرىنە اينالدى. اسىرەسە، اقىن ومارحان مالىكۇلىنىڭ سوزىنە جازىلعان «ەمىلگە كەل!» ءانى حالىق اراسىندا ەرەكشە تانىمال بولدى.
مارقۇمنىڭ قايتىس بولعانى تۋرالى اقىن اۋىت مۇقيبەك الەۋمەتتىك جەلىدەگى پاراقشاسىندا حابارلاپ، ونىڭ قازاق ونەرىندەگى ورنى مەن شىعارماشىلىق مۇراسىن ەرەكشە اتاپ ءوتتى.
