Qaraǧandy oblysynda salynyp jatqan «Qaragandy Power Silicon» zauytynda jūmysşy qaza tapty, dep habarlaidy «Adyrna» ūlttyq portaly.
Eŋbek inspeksiiasy basqarmasynyŋ mälımetınşe, qaiǧyly oqiǧa montajdau jäne dänekerleu jūmystary kezınde bolǧan.
«Salynyp jatqan Qaraghandy power Silicon zauytynda qosalqy merdıger kompaniianyŋ qyzmetkerı biıktıkten qūlady. Bız būl oqiǧany tekseru üşın komissiia qūramyz», - dep habarlady Qaraǧandy oblysynyŋ eŋbek inspeksiiasy.Oblystyq polisiia departamentı būl oqiǧa boiynşa Qylmystyq kodekstıŋ 156-babynyŋ 3-bölıgı «Abaisyzda adam ölımıne äkep soqqan eŋbek qauıpsızdıgı erejelerın būzu» boiynşa sotqa deiıngı tergeu bastalǧanyn aitty.
«Qajettı saraptamalar taǧaiyndaldy, män-jailar anyqtaluda», - dep tüsındırdı polisiia.
