مەملەكەت باسشىسى قاسىم-جومارت توقاەۆ 2015 جىلى ەكس-پرەزيدەنت نۇرسۇلتان نازارباەۆ قول قويعان «مەملەكەتتىك قىزمەتتىڭ كەيبىر ماسەلەلەرى تۋرالى» جارلىققا وزگەرىستەر ەنگىزدى، دەپ حابارلايدى “ادىرنا” ۇلتتىق پورتالى.
«مەملەكەتتىك قىزمەت وتكەرۋدىڭ كەيبىر ماسەلەلەرى تۋرالى» قر پرەزيدەنتىنىڭ 2015 جىلعى 29 جەلتوقسانداعى №152 جارلىعىنا مىناداي وزگەرىستەر مەن تولىقتىرۋ ەنگىزىلسىن: روتاتسيا جۇرگىزۋ قاعيدالارى مەن مەرزىمدەرىندە، روتاتسيالاۋعا جاتاتىن مەملەكەتتىك قىزمەتشىلەردىڭ جوعارىدا اتالعان جارلىقپەن بەكىتىلگەن ساناتتارى مەن لاۋازىمدارىندا: 6-تارماقتىڭ ەكىنشى بولىگى مىناداي رەداكتسيادا جازىلسىن: «مەملەكەتتىك قىزمەت وتكەرۋدىڭ كەيبىر ماسەلەلەرى تۋرالى» مەملەكەتتىك ساياسي قىزمەتشىلەرگە جانە «ا» كورپۋسىنىڭ قىزمەتشىلەرىنە، «ب» كورپۋسىنىڭ مەملەكەتتىك اكىمشىلىك قىزمەتشىلەرىنە (بۇدان ءارى – وسى قاعيدالاردىڭ 17-تارماعىندا كورسەتىلگەن، باسقا ەلدى مەكەنگە روتاتسيالانعان «ب» كورپۋسىنىڭ قىزمەتشىلەرى) روتاتسيالىق تولەمدەر بەلگىلەنەدى»، - دەپ جازىلعان جارلىقتا.
قۇجاتتا «ب» كورپۋسى قىزمەتشىلەرىن روتاتسيالاۋ ولار سوڭعى اتقاراتىن لاۋازىمىنا تاعايىندالعان كۇننەن باستاپ ءتورت جىل سايىن جۇرگىزىلەتىنى ايتىلعان.
«بۇل رەتتە «ب» كورپۋسىنىڭ قىزمەتشىلەرى مەملەكەتتىك ورگان قايتا قۇرىلعاننان كەيىن، لاۋازىمداردىڭ قۇرىلىمى وزگەرسە نە اتاۋى وزگەرگەنگە دەيىن اتقارعان لاۋازىمدىق وكىلەتتىكتەرىنە سايكەس كەلەتىن لاۋازىمدارعا تەڭ ماندەگى لاۋازىمدارعا قايتا تاعايىندالعان كەزدە كورسەتىلگەن مەرزىم قايتا باستالمايدى»، - دەلىنگەن قۇجاتتا.
سونداي-اق، «ب» كورپۋسىنىڭ قىزمەتشىسى لاۋازىمىنان ءوز ەركىمەن بوساتىلعان كەزدەن باستاپ ءبىر جىل ىشىندە نە وزگە لاۋازىمعا ورنالاسۋىنا بايلانىستى بۇرىن اتقارعان لاۋازىمىنا تاعايىندالعان جاعدايدا روتاتسيا جۇرگىزۋ مەرزىمىندە بۇرىن جۇمىس ىستەگەن كەزەڭ ەسكەرىلەتىنى ايتىلعان.
بىراق «ب» كورپۋسى قىزمەتشىسىنىڭ الەۋمەتتىك دەمالىسقا شىعۋىنا نەمەسە ەڭبەككە ۋاقىتشا جارامسىزدىعىنا بايلانىستى، قازاقستاننىڭ مەملەكەتتىك ورگاندارىنا، شەت ەلدەردەگى مەكەمەلەرىنە جانە وزگە دە ۇيىمدارعا ىسساپارعا جىبەرىلۋىنە بايلانىستى قاتارىنان ەكى ايدان استام جۇمىستا بولماعان كەزەڭى روتاتسيا جۇرگىزۋ مەرزىمىنە كىرمەيدى.
«ب» كورپۋسى قىزمەتشىسى روتاتسيادان جازباشا تۇردە باس تارتقان جاعدايدا ونىڭ وسى لاۋازىمدا بولۋ مەرزىمى ەكى جىلعا ۇزارتىلۋى مۇمكىن نە «ب» كورپۋسىنىڭ قىزمەتشىسى اتقاراتىن لاۋازىمىنان بوساتىلادى، نە ءوزىنىڭ كەلىسىمى بويىنشا عانا بوس تۇرعان لاۋازىمعا تومەندەتىلەدى.
«ب» كورپۋسى قىزمەتشىسىنىڭ اتقاراتىن لاۋازىمىندا بولۋ مەرزىمىن ەكى جىلعا ۇزارتۋعا شەشىمىن ۇلتتىق كوميسسيا مەن ۇكىمەت، پارلامەنت اپپاراتتارىنىڭ ۋاكىلەتتى تۇلعالارى، مەملەكەتتىك قىزمەت ىستەرى جونىندەگى ۋاكىلەتتى ورگان قابىلداي الادى.
