قازاقستان پرەزيدەنتى قاسىم-جومارت توقاەۆ قىتاي حالىق رەسپۋبليكاسىنىڭ پرەزيدەنتى سي تسزينپين مەن قىتاي حالقىن «چۋنتسزە» مەرەكەسىمەن قۇتتىقتادى، دەپ حابارلايدى “ادىرنا” ۇلتتىق پورتالى.
جەدەلحاتتا توقاەۆ شىعىس كۇن تىزبەسى بويىنشا جاڭا جىل مەرەكەسىنىڭ جاڭارۋعا، تاتۋلىققا، مەيىرىم مەن جاسامپازدىققا شاقىراتىنىن اتاپ وتكەن. سونداي-اق، سي ءتسزينپيننىڭ «ستراتەگيالىق باستامالارى» مەن «ىزگى جوسپارلارىنا» ساتتىلىك تىلەگەن.
«قازاقستان مەن قىتايدىڭ ماڭگى ءارى جان-جاقتى ستراتەگيالىق سەرىكتەستىگى كۇننەن-كۇنگە جاندانىپ، مىزعىماس دوستىق پەن ءوزارا ءتيىمدى ىقپالداستىقتىڭ ۇلگى تۇتارلىق كورىنىسىنە اينالعانىن زور ريزاشىلىقپەن اتاپ وتەمىن»، – دەلىنگەن توقاەۆتىڭ جەدەلحاتىندا.
توقاەۆ قىتاي كوشباسشىسىنىڭ بۇل يگى ىسكە قوسقان ۇلەسىن باعالاي وتىرىپ، ەكى ەل اراسىنداعى ىنتىماقتاستىقتىڭ نىعايا تۇسۋىنە مۇددەلىلىك تانىتقان.
سونىمەن قاتار، توقاەۆ ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لامدى دا شىعىس جاڭا جىلى – تەت مەرەكەسىمەن قۇتتىقتادى.
پرەزيدەنتتىڭ پىكىرىنشە، قازاقستان ۆەتنام ەلىن وڭتۇستىك-شىعىس ازيا ايماعىنداعى ماڭىزدى سەرىكتەس دەپ بىلەدى. ەكى ەلدىڭ ىنتىماقتاستىعى جاڭا دەڭگەيگە كوتەرۋگە بەيىلدى ەكەنىن ايتقان.
توقاەۆ تو لامعا – تابىس ونىڭ حالقىنا بەرەكە تىلەپ، جەدەلحات جولدادى