مەملەكەت باسشىسى كوروناۆيرۋس ىندەتىنە قارسى قابىلدانىپ جاتقان شارالار جونىندە جيىن وتكىزەدى، دەپ حابارلايدى "ادىرنا" ءتىلشىسى. بۇل تۋرالى قر پرەزيدەنتىنىڭ باس حاتشىسى بەرىك ءۋالي ءوزىنىڭ Facebook پاراقشاسىنداعى جازباسىندا مالىمدەدى.
"بۇگىن تۇستەن كەيىن پرەزيدەنت قاسىم-جومارت توقاەۆ كوروناۆيرۋس ىندەتىنە قارسى ءىس-قيمىل جونىندە جيىن وتكىزەدى. ءىس-شارا بارىسىندا COVID-19 ىندەتىنە شالدىققان ازاماتتاردىڭ كوبەيۋىنە بايلانىستى ەلىمىزدەگى ەپيدەميولوگيالىق احۋالدى تۇراقتاندىرۋعا باعىتتالعان كەشەندى شارالار، سونداي-اق، حالىققا ۆاكتسينا سالۋ ماسەلەسى قاراستىرىلادى" دەدى باس حاتشى ءوز جازباسىندا.
جيىنعا ورتالىق مەملەكەتتىك ورگانداردىڭ باسشىلارى جانە ايماق اكىمدەرى دە قاتىسادى.
"ادىرنا" ۇلتتىق پورتالى
