جۋرناليست ءجاميلا ماريچەۆا پوليتسيانىڭ ىزىنە تۇسكەنىن ايتتى، دەپ حابارلايدى "ادىرنا" ۇلتتىق پورتالى.
قازتاگ مالىمەتىنشە، قازاقستاندىق قۇزىرلى ورگاننىڭ تاراپىنان جۋرناليستكە دەگەن جاڭا قىزىعۋشىلىقتىڭ پايدا بولعان. ونىڭ ايتۋىنشا، بىرنەشە كۇننەن بەرى قۇزىرلى ورگان وكىلدەرى پاتەرىندە كىم تىركەۋدە تۇرعانىنا تەكسەرىس جاساعان.
"مۇنى وسىندا تىركەپ قويايىن، سەبەبى پاۆلودارلىق پوليتسيا ماعان ەرەكشە قىزىعۋشىلىق تانىتىپ وتىر. ەكىنشى كۇن قاتارىنان كەلىپ، تۋىستارىمدى مازالاپ پاتەرىمدە 18, 25, نەمەسە 12 ادام تىركەۋدە تۇرعانىن ايتىپ جاتىر. ىشكە كىرۋگە قاتتى قۇمار سەكىلدى", – دەپ جازدى ماريچەۆا الەۋمەتتىك جەلىدەگى پاراقشاسىندا.
ول پوليتسياعا شاعىم دايىنداپ جاتقانىن دا اتاپ ءوتتى.
"سونداي-اق مەنىڭ پاتەرىمدە ەشقانداي بوتەن ادامدى تىركەمەگەنىمدى، بۇل ادامداردىڭ كىم ەكەنىن بىلمەيتىنىمدى دە كوپشىلىك الدىندا ايتقىم كەلەدى. ەگەر بۇل جالعان تىركەۋلەر بولسا، وندا سۇراق كوشى-قون قىزمەتىنە: مەنىڭ رۇقساتىمسىز پاتەرىمدە قالايشا 18, 25 نەمەسە 12 ادام تىركەلىپ كەتكەن؟ شاماسى، كەرىسىنشە ماعان ەمەس، ولاردىڭ جۇمىس ساپاسىنا سۇراق قويۋىم كەرەك سەكىلدى", – دەدى جۋرناليست.
