الماتىدا ايەل ادام تۋعان اپكەسىن اياۋسىزدىقپەن ءولتىرىپ تاستاعان، دەپ حابارلايدى “ادىرنا” ۇلتتىق پورتالى ۇلىسمەدياعا سىلتەپ.
قايعىلى وقيعا 2 قاڭتار كۇنى “Green Recycle” جشس قالدىقتاردى قايتا وڭدەۋ زاۋىتىنىڭ اۋماعىندا بولعانى انىقتالدى. دەنەسى بولشەكتەلگەن 68 جاستاعى ايەلدىڭ دەنەسى تابىلدى. مارقۇمنىڭ دەنەسى پوليەتيلەن پاكەتىندە جاتقان.
پوليتسيانىڭ دەرەكتەرىنە سايكەس، 67 جاستاعى ايەل اپكەسىن ولتىرگەن. وعان ەكەۋىنىڭ اراسىنداعى ۇزاققا سوزىلعان ارازدىق سەبەپ بولعان.
“بۇل قىلمىس تەز ارادا اشىلدى. ادام ءولتىرۋ دەرەگى بويىنشا قىلمىستىق ءىس قوزعالدى. باسقا دا ءمان-جايلار انىقتالىپ جاتىر”، - دەلىنگەن پد حابارلاماسىندا.
الەۋمەتتىك جەلىدەگى دەرەكتەر بويىنشا، كۇدىكتى ادام اپكەسىنىڭ دەنەسىن بالتالاپ تاستاعان.
