اقتاۋدا قاتىگەزدىكپەن كىسى ءولتىردى دەپ ايىپتالعان ءۇش سوتتالۋشىعا ۇكىم شىعارىلدى، دەپ حابارلايدى «ادىرنا» ۇلتتىق پورتالى.
ماڭعىستاۋلىق ءۇش جاس جىگىتكە 59 جاستاعى ەر ادامدى ۇرلاپ، ءولتىرىپ، باسىن كەسىپ، دەنەسىن بوس جاتقان جەرگە كومىپ تاستادى دەگەن ايىپ تاعىلدى. قىلمىستىق ءىس بويىنشا ەكى ايىپتالۋشى 2024 جىلدىڭ مامىرىندا ۇستالدى، ال ءۇشىنشىسى قاشىپ كەتكەنمەن، كەيىنىرەك قاماۋعا الىندى. تەرگەۋ ءتورت ايعا سوزىلىپ، ءىس قازان ايىنىڭ باسىندا سوتقا تۇسكەن.
سوت پروتسەسى ۇزاققا سوزىلمادى. تەرگەۋ بارىسىندا بارلىق ايىپتالۋشىلاردىڭ قىلمىسقا قاتىسى بار ەكەندەرى دالەلدەندى. ايىپتالۋشىلار 25, 16 جانە 7 جىلعا باس بوستاندىعىنان ايىرىلدى. ولار جازاسىن ورتاشا رەجيمدەگى كولونيادا وتەيتىن بولادى.
سوتتالعان ەكى ازاماتتىڭ اعايىندى ەكەنى بەلگىلى بولدى. ولارعا سوت مارقۇمنىڭ وتباسىنا 10 ميلليون تەڭگە مورالدىق شىعىن جانە 3,5 ميلليون تەڭگەدەن استام ماتەريالدىق شىعىن ءوندىرۋ تۋرالى ۇكىم شىعاردى. سونداي-اق، اعايىندىلاردىڭ ارقايسىسى زارداپ شەككەندەر قورىنا 110 مىڭ تەڭگەدەن تولەۋگە مىندەتتەلدى. ال ءۇشىنشى سوتتالۋشى 73 مىڭ تەڭگە تولەۋى ءتيىس.
ۇكىم جاريالانعان كەزدە زالدا وتىرعانداردىڭ ءبىرى اۋىرىپ قالدى. سۋديا ءسوزىن ءبولىپ، جەدەل جاردەم شاقىرۋدى ءوتىندى. الايدا مەديتسينالىق كومەك قاجەت بولمادى. ۇكىم زاڭدى كۇشىنە ەنگەن جوق.
