Aqtaýda qatygezdikpen kisi óltirdi dep aıyptalǵan úsh sottalýshyǵa úkim shyǵaryldy, dep habarlaıdy «Adyrna» ulttyq portaly.
Mańǵystaýlyq úsh jas jigitke 59 jastaǵy er adamdy urlap, óltirip, basyn kesip, denesin bos jatqan jerge kómip tastady degen aıyp taǵyldy. Qylmystyq is boıynsha eki aıyptalýshy 2024 jyldyń mamyrynda ustaldy, al úshinshisi qashyp ketkenmen, keıinirek qamaýǵa alyndy. Tergeý tórt aıǵa sozylyp, is qazan aıynyń basynda sotqa túsken.
Sot proesi uzaqqa sozylmady. Tergeý barysynda barlyq aıyptalýshylardyń qylmysqa qatysy bar ekenderi dáleldendi. Aıyptalýshylar 25, 16 jáne 7 jylǵa bas bostandyǵynan aıyryldy. Olar jazasyn ortasha rejımdegi kolonııada óteıtin bolady.
Sottalǵan eki azamattyń aǵaıyndy ekeni belgili boldy. Olarǵa sot marqumnyń otbasyna 10 mıllıon teńge moraldyq shyǵyn jáne 3,5 mıllıon teńgeden astam materıaldyq shyǵyn óndirý týraly úkim shyǵardy. Sondaı-aq, aǵaıyndylardyń árqaısysy zardap shekkender qoryna 110 myń teńgeden tóleýge mindetteldi. Al úshinshi sottalýshy 73 myń teńge tóleýi tıis.
Úkim jarııalanǵan kezde zalda otyrǵandardyń biri aýyryp qaldy. Sýdıa sózin bólip, jedel járdem shaqyrýdy ótindi. Alaıda medıınalyq kómek qajet bolmady. Úkim zańdy kúshine engen joq.
