بريكس سامميتىنە رەسەي پرەزيدەنتى ۆلاديمير پۋتين مەن شەتەل باسشىلارىنىڭ ەكىجاقتى كەزدەسۋلەرىندە رەسەيگە دوس ەمەس ەلدەردىڭ باق جۋرناليستەرى دە قاتىسا الادى. بۇل تۋرالى تاسس جاريالادى، دەپ حاباردايدى “ادىرنا” ۇلتتىق پورتالى.
اتاپ ايتقاندا، Associated Press, Reuters, AFP جانە EPA جۋرناليستەرى سەيسەنبى كۇنى كوشباسشىلار اراسىنداعى ەكىجاقتى اڭگىمەلەسۋلەر وتەتىن فورۋم اياسىندا جانە قازان قالالىق اكىمشىلىگىنىڭ بەيرەسمي تۇسكى اسى وتەتىن ءىس-شارالارعا جازىلدى. بۇل باسقا كۇندەردەگى وقيعالارعا، سونىڭ ىشىندە 24 قازانداعى سامميتتەن كەيىنگى ءپۋتيننىڭ ءباسپاسوز ءماسليحاتىنا دا قاتىستى.
بريكس سامميتىنە قاتىسۋعا 59 ەلدىڭ جۋرناليستەرى ءوتىنىش بەردى. بۇل حالىقارالىق شاراعا بارلىعى 2 مىڭعا جۋىق باق وكىلدەرى اككرەديتتەلگەن بولسا، ولاردىڭ جارتىسىنا جۋىعى شەتەل ازاماتتارى.
