ۋكرايناداعى سوعىس كەزىندە قازا تاپقان 56 جاستاعى قىرعىزستان ازاماتىنىڭ ءمايىتى وش قالاسىنا جەتكىزىلدى، دەپ حابارلايدى Turmush-قا سىلتەپ.
مارقۇمنىڭ تۋىستارىنىڭ ايتۋىنشا، ەر ادام رەسەيدىڭ روستوۆ وبلىسىنا جاسالعان درون شابۋىلى كەزىندە اۋىر جاراقات الىپ، كەيىن اۋرۋحانادا كوز جۇمعان.
اقپاراتقا سايكەس، ول قىرعىزستاندا دۇنيەگە كەلگەن. 2000-جىلداردىڭ باسىندا ناپاقا تابۋ ماقساتىندا رەسەيگە قونىس اۋدارىپ، 2007 جىلى سول ەلدىڭ ازاماتتىعىن العان. تۋىستارىنىڭ مالىمەتىنشە، 2014 جىلدان بەرى رەسەي قارۋلى كۇشتەرىندە جالدامالى اسكەري قىزمەتكەر رەتىندە قىزمەت اتقارىپ، كوماندير بولعان.
بۇعان دەيىن قىرعىزستاننىڭ ىشكى ىستەر ورگاندارىندا جۇمىس ىستەگەن.
ۇقساس جاڭالىقتار
