شاڭىراققا قاراڭدار، بۇلار التىن وردانىڭ ۇرپاقتارى - ۆيكتور كالگين

2224
Adyrna.kz Telegram

ۋكراينا-رەسەي اراسىنداعى سوعىسقا اسكەر جاساقتاۋ باستالعالى بەرى قازاقستانعا رەسەي ازاماتتارى اعىلىپ جاتىر. موبيليزاتسيا سالقىنىنا ۇرىنۋدان قاشقاندارداردىڭ دەنى قازاقستانعا كەلۋدە. سوعان وراي رەسەي ازاماتتارىنا قازاقستانداعى جەلگىلىكتى  ەتنيكالىق ورىس ۇلتىنىڭ وكىلى ۆيكتور كالگين ەسكەرتۋ جاسادى، - دەپ حابارلايدى "ادىرنا" ۇلتتىق پورتالى. 

- Cىزدەر، الدىمەن، قازاقتاردىڭ قوناقجاي ۇلت ەكەنىن ۇعىنۋلارىڭىز قاجەت. بىراق ەسىكتەن كىرە ءتور مەنىكى دەگەندى قازاقتار ۇناتپايدى. قازاقتىڭ مادەنيەتىن، ءتىلىن، ءدىلىن سىيلاڭىزدار! سىزدەر قوناقتا جۇرگەندەرىڭىزدى، تەك قازاقستان زاڭىنىڭ كۇشى بار ايماقتا جۇرگەندەرىڭىزدى ۇمىتپاڭىزدار. رەسەيدەگى ۇيرەنشىكتى جاعدايدىڭ قازاقستاندا ەش ماڭىزى بولماۋى مۇمكىن. قازاقستان - مىڭجىلدىقتار ۇلەسىندەگى تاريحى، مادەنيەتى بار بولەك مەملەكەت. قازاقتا مەملەكەت بولماعان دەپ قۇسىقتارىڭىزدى توكپەس بۇرىن، كەزىندە ءوز بابالارىڭىزدىڭ بوساعاسىنان سىعالاۋعا يمەنگەن التىن وردانى ەسكە الىڭىزدار. قازاقتار - التىن وردانىڭ ميراسكەرى، - دەدى اۆتور.

سونىمەن قاتار، ۆيكتور كالگين قازاقستانداعى ەتنيكالىق ورىستاردىڭ جايلى ءومىر ءسۇرىپ جاتقانىن، قازاق ءتىلىنىڭ دىبىستالۋ زاڭدىلىقتارىن،  قازاقشا سالەمدەسۋ ادەبىن ءسوز ەتىپ، يۋتۋب پەن تيك-توك ارقىلى ارزان اتاق جيناماۋعا شاقىردى.

- جاقىن كۇندەردە رەسەي بيلىگىنىڭ اۋىساتىنىنا سەنەمىن. سول كەزدە قايتادان ەلدەرىڭىزگە ورالىپ، گۇلدەنۋىنە ات سالىساسىزدار. ازىرگە مۇندا جاي عانا "قوناق" ەكەندەرىڭىزدى ەستەن شىعارماڭىزدار، - دەپ ويىن تۇيىندەدى ۆيكتور كالگين.

"ادىرنا" ۇلتتىق پورتالى

پىكىرلەر