رەسەي پرەزيدەنتى ۆلاديمير پۋتين كەدەن ورگاندارىنا ۇشقىشسىز ۇشۋ اپپاراتتارىنا قارسى ارەكەت ەتۋ وكىلەتتىگىن بەرەتىن زاڭعا قول قويدى، دەپ حابارلايدى "ادىرنا" Report-قا سىلتەپ.
قۇجات رەسمي قۇقىقتىق اقپارات پورتالىندا جاريالانعان.
جاڭا زاڭعا سايكەس، ەندى كەدەن ورگاندارى ءوز نىساندارىنا قاۋىپ تونگەن نەمەسە شابۋىل جاسالعان جاعدايدا درونداردىڭ جۇمىسىن توقتاتۋعا قۇقىلى. اتاپ ايتقاندا، ولاردى باسۋ، زاقىمداۋ نەمەسە جويۋ شارالارىن قولدانا الادى.
قۇجات تەك اۋە دروندارىنا عانا ەمەس، سونداي-اق سۋاستى، ءسۋۇستى جانە باسقا دا اۆتوماتتاندىرىلعان ۇشقىشسىز قۇرالدارعا قاتىستى قولدانىلادى. زاڭ رەسمي جاريالانعان كۇننەن باستاپ 30 كۇننەن كەيىن كۇشىنە ەنەدى.
ۇقساس جاڭالىقتار
