اعىلشىن ەكونوميسى، Euronews تەلەارناسىنىڭ وكىلى فرەد حارريسون ورتالىق ازياداعى باق نازارى قازاقستاننان گورى وزبەكستانعان اۋاتىن بولعان دەگەن مالىمدەمە جاسادى. بۇل تۋرالى ول تاشكەنتتە ءوتىپ جاتقان وزبەكستاننىڭ مادەني مۇراسى اپتالىعىندا ايتتى، دەپ حابارلايدى «ادىرنا» ءتىلشىسى.
«لوندونداعى تەلەارنانىڭ اگەنتتىگىندە قىزمەت اتقارامىن. 6 جىل بۇرىن وزبەكستاندا جۇمىس ىستەي باستادىق. نەگىزگى باعىتىمىز جارناما جانە جاڭالىقتار سالاسى بولدى. ءبىز اۋديتوريانى ەلىمىزدە بولىپ جاتقان وڭ وزگەرىستەرگە قاراي تارتۋعا تىرىسامىز. بۇگىن، مىنە، Euronews قىزمەتكەرلەرى مادەني مۇرا اپتالىعىنا قاتىسىپ جاتىر. مەنىڭ ويىمشا، باق وكىلدەرى تاشكەنتتە بولىپ جاتقان وقيعالاردىڭ پريزماسى ارقىلى ورتالىق ازياعا نازار اۋدارادى. بۇرىن قازاقستانعا كوبىرەك كوڭىل بولىنسە، قازىر جاعداي وزگەرىپ جاتىر»،—دەدى فرەد حارريسون.
ايتا كەتەيىك، «شىعىس رەنەسسانس فەنومەنى: مەملەكەت، ءدىن، تۇلعا جانە وركەنيەت» اتتى مادەني مۇرا اپتالىعى 18-27 قازان ارالىعىندا وتەدى. وعان 100-دەن استام شەتەلدىك عالىم مەن ساراپشىلار قاتىسۋدا. اپتالىق اياسىندا كونفەرەنتسيالار، سەمينارلار، فورۋمدار مەن كورمەلەر ۇيىمداستىرىلادى.
