Aǵylshyn ekonomısi, Euronews telearnasynyń ókili Fred Harrıson Ortalyq Azııadaǵy BAQ nazary Qazaqstannan góri Ózbekstanǵan aýatyn bolǵan degen málimdeme jasady. Bul týraly ol Tashkentte ótip jatqan Ózbekstannyń mádenı murasy aptalyǵynda aıtty, dep habarlaıdy «Adyrna» tilshisi.
«Londondaǵy telearnanyń agenttiginde qyzmet atqaramyn. 6 jyl buryn Ózbekstanda jumys isteı bastadyq. Negizgi baǵytymyz jarnama jáne jańalyqtar salasy boldy. Biz aýdıtorııany elimizde bolyp jatqan oń ózgeristerge qaraı tartýǵa tyrysamyz. Búgin, mine, Euronews qyzmetkerleri Mádenı mura aptalyǵyna qatysyp jatyr. Meniń oıymsha, BAQ ókilderi Tashkentte bolyp jatqan oqıǵalardyń prızmasy arqyly Ortalyq Azııaǵa nazar aýdarady. Buryn Qazaqstanǵa kóbirek kóńil bólinse, qazir jaǵdaı ózgerip jatyr»,—dedi Fred Harrıson.
Aıta keteıik, «Shyǵys Renessans fenomeni: memleket, din, tulǵa jáne órkenıet» atty mádenı mura aptalyǵy 18-27 qazan aralyǵynda ótedi. Oǵan 100-den astam sheteldik ǵalym men sarapshylar qatysýda. Aptalyq aıasynda konferenııalar, semınarlar, forýmdar men kórmeler uıymdastyrylady.
