جاس جازۋشى ءاليحان جاقسىلىقتىڭ «نوتر‑دامدا قۇلشىلىق جاساۋ كەرەك پە؟» رومانى Hertfordshire Press Award 2024 بايقاۋىندا «Critics Choise» (سىنشىلار تاڭداۋى) نوميناتسياسىن يەلەندى، دەپ حابارلايدى «ادىرنا» ۇلتتىق پورتالى.
بۇل تۋرالى جازۋشى Facebook پاراقشاسىندا ءبولىستى.
«لوندوننان جاقسى جاڭالىق جەتتى! «نوتر-دامدا قۇلشىلىق جاساۋ كەرەك پە؟» رومانى باسپانىڭ ەڭ ۇزدىك رومانى اتاعىن الىپتى دەيدى. ءبىزدى بريتانياعا شاقىرىپ جاتىر» - دەپ جازدى ءاليحان جاقسىلىق.
ماراپاتتاۋ ءراسىمى 2024 جىلدىڭ 24 قاراشاسىندا شوتلانديانىڭ گرينوك قالاسىندا وتەدى.
«ءسىزدىڭ شىعارماشىلىعىڭىز رەتسەنزەنتتەررگە ۇلكەن اسەر قالدىردى. بۇل نوميناتسيا ءسىزدىڭ ادەبي ونەرگە قوسقان ۇلەسىڭىزدىڭ ماڭىزدلىعىن لايىقتى تۇردە كورسەتەتىنىنە سەنىمدىمىز. ءسىزدى الەمنىڭ تۇكپىر‑تۇكپىرىنەن كورنەكتى جازۋشىلار، اقىندار مەن مادەنيەت قايراتكەرلەرىن جينايتىن وسى سالتاناتتى شاراعا قاتىسۋعا شاقىرامىز. بۇل ارىپتەستەرمەن، وقىرماندارمەن جانە حالىقارالىق ادەبي قاۋىمداستىق وكىلدەرىمەن كەزدەسۋدىڭ بىرەگەي مۇمكىندىگى» - دەلىنگەن شاقىرۋ حاتتا.
