قازاقستان پرەزيدەنتى قاسىم-جومارت توقاەۆ قۇرىلتايعا دەپۋتات بولىپ سايلانعان بىرقاتار مەملەكەتتىك قىزمەتشىنى اتقارىپ وتىرعان لاۋازىمدارىنان بوساتتى، دەپ حابارلايدى "ادىرنا" ۇلتتىق پورتالى.
مەملەكەت باسشىسىنىڭ وكىمىمەن دارحان احمەديەۆ قورعانىس ءمينيسترىنىڭ ورىنباسارى قىزمەتىنەن، ەربول اداەۆ پرەزيدەنت اكىمشىلىگىنىڭ جالپى ءبولىمىنىڭ مەڭگەرۋشىسى قىزمەتىنەن بوساتىلدى. التاي اباي دا پرەزيدەنت ءىس باسقارماسى باسقارۋشىسىنىڭ ورىنباسارى لاۋازىمىنان بوساتىلدى.
سونىمەن قاتار ۇكىمەت قاۋلىسىمەن سۇڭعات ەسىمحانوۆ ەنەرگەتيكا ۆيتسە-ءمينيسترى قىزمەتىنەن بوساتىلدى. بۇدان بولەك، پرەزيدەنت قاسىم-جومارت توقاەۆتىڭ جارلىعىمەن قازاقستاننىڭ سولتۇستىك ماكەدونياداعى ەلشىسى ساتىبالدى بۇرشاقوۆ قىزمەتىنەن بوساتىلدى.
اتالعان مەملەكەتتىك قىزمەتشىلەر «ادىلەت» پارتياسىنىڭ قۇرىلتاي دەپۋتاتتىعىنا كانديداتتار تىزىمىنە ەنگەن بولاتىن. ولار 23 تامىزدا وتكەن سايلاۋ قورىتىندىسى بويىنشا جاڭا ءبىر پالاتالى پارلامەنتتىڭ دەپۋتاتتىق مانداتىنا يە بولدى.
سايلاۋ ناتيجەسىندە «ادىلەت» پارتياسى قۇرىلتايداعى 145 ورىننىڭ 110-ىن يەلەندى.
