بيىل 184 قازاقستاندىق «بولاشاق» حالىقارالىق ستيپەندياسىنا يە بولدى، دەپ حابارلايدى "ادىرنا" ۇلتتىق پورتالى.
تاعى 51 عالىم شەتەلدەگى جەتەكشى زەرتتەۋ ورتالىقتارىندا عىلىمي تاعىلىمدامادان وتەدى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى.
184 ستيپەنديا يەگەرىنىڭ:
* 137-ءسى – ماگيستراتۋراعا;
* 10-ى – دوكتورانتۋراعا;
* 37-ءسى – كاسىبي تاعىلىمداماعا جىبەرىلەدى.
ستيپەنديالاردى ءبولۋ كەزىندە اتوم ونەركاسىبى، مەديتسينا، ينجەنەريا، جاساندى ينتەللەكت، ەنەرگەتيكا جانە بيوتەحنولوگيا سياقتى باسىم سالالارعا قاجەتتى مامانداردى دايارلاۋعا باسىمدىق بەرىلگەن.
ءمينيستردىڭ ايتۋىنشا، تەحنيكالىق باعىتتاردىڭ ۇلەسى 2021 جىلعى 44,5 پايىزدان قازىر 70 پايىزعا دەيىن وسكەن.
2026 جىلدان باستاپ «بولاشاق» باعدارلاماسى اياسىندا اتوم سالاسىنا كادر دايارلاۋ باستالادى. سونىمەن قاتار جاساندى ينتەللەكت بويىنشا ارنايى تاعىلىمدامالار ەنگىزىلەدى.
