فوتو: جي كومەگىمەن جاسالدى
جاڭا وقۋ جىلىندا قازاقستان مەكتەپتەرىندە وقۋشىلاردىڭ سىرت كەلبەتىنە قويىلاتىن تالاپتاردىڭ ساقتالۋى قاتاڭ باقىلانباق، دەپ حابارلايدى “ادىرنا”.
بۇل تۋرالى اقتاۋ قالاسى ءبىلىم ءبولىمى باسشىسىنىڭ ورىنباسارى ريمما شابيكوۆا مالىمدەدى.
مەكتەپ تالاپتارىن ساقتاماعان وقۋشىعا الدىمەن ەسكەرتۋ جاسالادى. ەسكەرتۋگە قۇلاق اسپاعان جاعدايدا اتا-اناسى مەكتەپكە شاقىرىلىپ، ءتۇسىندىرۋ جۇمىستارى جۇرگىزىلەدى. تالاپتى قايتا بۇزعان جاعدايدا وقۋشىنىڭ ءتارتىبى ءبىلىم بەرۋ ۇيىمىنىڭ ارنايى كوميسسياسىندا قارالۋى مۇمكىن.
قىزدارعا تىرناق بوياۋعا، جاساندى كىرپىك جابىستىرۋعا، شاشىن بوياۋعا جانە كوزگە تۇسەتىن اشەكەيلەر تاعۋعا شەكتەۋ قويىلادى. مەكتەپ فورماسى دا ءبىلىم بەرۋ ۇيىمى بەكىتكەن تالاپتارعا ساي بولۋى ءتيىس.
بۇل تالاپتار ۇلدارعا دا قاتىستى. اتاپ ايتقاندا، شاش ۇلگىسى، مەكتەپ فورماسى جانە سىرت كەلبەتكە قويىلاتىن باسقا دا تالاپتاردىڭ ساقتالۋى باقىلانادى.
مەكتەپ فورماسىنا قويىلاتىن نەگىزگى تالاپ – كيىمنىڭ كلاسسيكالىق ءارى ۇستامدى بولۋى. قىزدارعا بەلدەمشە نەمەسە شالبار، ال ۇلدارعا شالبار مەن جەيدە كيۋ قاراستىرىلعان. بەلدەمشەنىڭ ۇزىندىعى مەن سىرت كەلبەتكە قاتىستى وزگە دە تالاپتاردى مەكتەپتىڭ ىشكى ءتارتىپ ەرەجەسى بەلگىلەيدى.
بۇعان دەيىن قازاقستاندا وقۋشى مەكتەپ فورماسىن ساقتاماي كەلگەن جاعدايدا اتا-اناسىنا جاۋاپكەرشىلىك قاراستىرىلاتىنى ەسكەرتىلگەن.
