قازاق توقالدى تالقىلاسا، ەۋروپا ەل ماسەلەسىن..

824

اقش پرەزيدەنتىنىڭ زايىبى ەلەونورا رۋزۆەلتتىڭ قاشاندا ماڭىزدىلىعىن جوعالتپاعان جانە جوعالتپايتىن ءوزىم كەرەمەت جاقسى كورەتىن ءبىر ءسوزى بار.

"اقىل ساناسى تومەن، تاياز ادامدار - ادامداردى تالقىلايدى" دەيدى ەكەن ەلەونورا. كۇندەلىكتى وسەك دەگەنى عوي ەندى... وسى فەيسبۋكتە دە كوپ ولار، گۋ - گۋ ءسوز تاسىپ، جۇرتتىڭ ءسوزىن سكريندەپ ەل مەن ەلدى شاپتاپ قاتار قوندىرماي... ەل ءىشىن الاتايداي قىلىپ، وسەكتەن اۋىزدارى بوسامايدى...
مەنىڭشە، ءبىزدىڭ "نۇرعالي ءنۇسىپجانوۆ جاس كەلىنشەككە ۇيلەنىپتى", "قاراقات قىدىرالىگە توقال الىپ بەرەمىن دەپتى" دەگەن كۇندەلىكتى تاقىرىپتار وسىلارعا ارنالعان سياقتى...
رۋزۆەلت ارى قاراي بىلاي دەيدى... "اقىل ساناسى ورتاشا ادامدار - كۇندەلىكتى جاڭالىقتاردى تالقىلايدى" دەيدى.
بۇل كاتەگورياعا مەنىڭشە "ۇلتتىق كەڭەستىڭ جۇمىسى باستالدى", "نازارباەۆتىڭ سيىرلارى" تاعى باسقا بىرقاتار ساياسي - الەۋمەتتىك تاقىرىپتار كىرەدى ەكەن جانە وسىنى ءبىزدىڭ قوعامدىق بەلسەندىلەر، كوزى قاراقتى ساۋاتى ءبىرشاما ادامدار تالقىلاپ كادىمگىدەي قىزىپ قالادى ەكەن..
ەلەونورانىڭ ءۇشىنشى كاتەگورياسى - "وي ساناسى كەڭ، ورەسى بيىك ادامدار - ۇلى يدەيالاردى تالقىلايدى" دەيدى ەكەن.
مەنىڭ ويىمشا، بىزدە بۇنداي ادامدار جوق، بار بولسا دا ىلۋدە بىرەۋ.
سەبەبى، وسىنداعى فەيسبۋكتىڭ قازاقستاندىق كونتەنتىندە ءوزىم قىزىعىپ وقيتىن، وسىدان تاعىلىم الا قويايىن دەپ نۇسقاپ كورسەتەتىن ادام جوق ەكەن.
ءورىستىلدى قازاقتاردىڭ اراسىندا دا جوق، ولاردىڭ جازعىشتارىنىڭ ويلارى، يدەيالارى كوبىنەسە رەسەيدەگى ورىستىڭ ويشىلدارىمەن ۇندەس بوپ كەلەدى نەمەسە سولاردان شىققان تازا كوشىرمە بوپ جاتادى. سوندىقتان مەن مىندا ءبىزدىڭ ءورىستىلدى قازاقتاردىڭ جازعىشتارىن ەشقاشان وقىمايمىن، وزىمە كەرەكتى اقپار مەن كوزقاراستى، اسا قاجەت بوپ جاتسا رەسەيدەگى تۇپنۇسقادان انا جاققا تىكە شىعىپ، قاراپ، وقىپ تانىسىپ جاتامىن. ال ول جاقتا ءتاپ - ءتاۋىر ويشىلدار مەن جازعىشبەكتەر جەتەدى، ونى مويىندايمىن.
بىزگە جاقسى ويشىلدار كەرەك ەكەن.

 

 

ولجاس ءابىل

"ادىرنا" ۇلتتىق پورتالى

 

پىكىرلەر