Qazaq toqaldy talqylasa, Eýropa el máselesin..

823

AQSh prezıdentiniń zaıyby Eleonora Rýzvelttiń qashanda mańyzdylyǵyn joǵaltpaǵan jáne joǵaltpaıtyn ózim keremet jaqsy kóretin bir sózi bar.

"Aqyl sanasy tómen, taıaz adamdar - adamdardy talqylaıdy" deıdi eken Eleonora. Kúndelikti ósek degeni ǵoı endi... Osy feısbýkte de kóp olar, gý - gý sóz tasyp, jurttyń sózin skrındep el men eldi shaptap qatar qondyrmaı... El ishin alataıdaı qylyp, ósekten aýyzdary bosamaıdy...
Menińshe, bizdiń "Nurǵalı Núsipjanov jas kelinshekke úılenipti", "Qaraqat Qydyrálige toqal alyp beremin depti" degen kúndelikti taqyryptar osylarǵa arnalǵan sııaqty...
Rýzvelt ary qaraı bylaı deıdi... "aqyl sanasy ortasha adamdar - kúndelikti jańalyqtardy talqylaıdy" deıdi.
Bul kategorııaǵa menińshe "ulttyq keńestiń jumysy bastaldy", "nazarbaevtyń sıyrlary" taǵy basqa birqatar saıası - áleýmettik taqyryptar kiredi eken jáne osyny bizdiń qoǵamdyq belsendiler, kózi qaraqty saýaty birshama adamdar talqylap kádimgideı qyzyp qalady eken..
Eleonoranyń úshinshi kategorııasy - "oı sanasy keń, óresi bıik adamdar - uly ıdeıalardy talqylaıdy" deıdi eken.
Meniń oıymsha, bizde bundaı adamdar joq, bar bolsa da ilýde bireý.
Sebebi, osyndaǵy feısbýktyń qazaqstandyq kontentinde ózim qyzyǵyp oqıtyn, osydan taǵylym ala qoıaıyn dep nusqap kórsetetin adam joq eken.
Orystildi qazaqtardyń arasynda da joq, olardyń jazǵyshtarynyń oılary, ıdeıalary kóbinese Reseıdegi orystyń oıshyldarymen úndes bop keledi nemese solardan shyqqan taza kóshirme bop jatady. Sondyqtan men mynda bizdiń orystildi qazaqtardyń jazǵyshtaryn eshqashan oqymaımyn, ózime kerekti aqpar men kózqarasty, asa qajet bop jatsa Reseıdegi túpnusqadan ana jaqqa tike shyǵyp, qarap, oqyp tanysyp jatamyn. Al ol jaqta táp - táýir oıshyldar men jazǵyshbekter jetedi, ony moıyndaımyn.
Bizge jaqsy oıshyldar kerek eken.

 

 

Oljas ÁBIL

"Adyrna" ulttyq portaly

 

Pikirler