مادەنيەت، ادەبيەت، تاريح جانە فيلوسوفيا تۋرالى جازاتىن يتاليالىق «Pensiero» باسىلىمى ءانشى ديماش تۋرالى جازدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
ماقالا «ديماش قۇدايبەرگەن. شىعىس پەن باتىستىڭ اراسى. استاناعا بارۋعا لايىقتى وتە سيرەك كەزدەسەتىن داۋىس يەسى» اتتى دەگەن تاقىرىپپەن جاريالاندى.
ديماشتىڭ استاناداعى جەكە كونتسەرتىن تاماشالاعان ماقالا اۆتورى قازاقستاندىق ەرەكشە داۋىس يەسىنىڭ ونەرى، شىعارماشىلىعى، وتباسى تۋرالى جازعان. سونىمەن قاتار الەمگە ايگىلى ءانشىنى ءتۇرلى ۇلت پەن ۇلىس وكىلدەرىن، بارشا ادامزاتتى ونەرىمەن باۋراعان، ولاردى ءبىر ارناعان توعىستىرعان دانەكەر دەپ كورسەتكەن.
«ءبىزدى الەمنىڭ 80 ەلىنەن كەلگەن 40 مىڭ ادامدى ديماشتىڭ ونەرى بىرىكتىردى. كونتسەرتتەگى اتموسفەرانى سوزبەن جەتكىزۋ مۇمكىن ەمەس. بىردەي جىلدامدىقپەن سوعىپ جاتقان كوپ جۇرەكپىز. ديماشتىڭ ءار كونتسەرتى بۇرىنعىلارىنا ۇقسامايتىن ەرەكشەلىگىمەن ەستە قالادى. ءبىز ءوزىمىزدى تىلدەرىمىزدىڭ ارتۇرلىلىگىنە قاراماستان بۇۇ-نىڭ شتاب-پاتەرىندە تۇرعانداي سەزىندىك»، - دەپ جازدى اۆتور.
