يتاليادا كوروناۆيرۋستى جۇقتىرعاندار سانى 79 ادامعا جەتتى. سوڭعى ەكى كۇندە ناۋقاستار سانى كۇرت وسكەن. قاۋىپتى ىندەت يتاليانىڭ بەس وڭىرىندە انىقتالعان.
ەلدىڭ سولتۇستىگىندەگى لومبارديا قالاسىندا 54 ادام اۋرۋ جۇقتىرعان. بۇل تۋرالى ريا نوۆوستي سايتىندا حابارلاندى.
ازاماتتىق قورعانىس قىزمەتىنىڭ باسشىسى اندجەلو بورەللي مينيسترلەر كەڭەسىنىڭ شۇعىل وتىرىسىنىڭ قورىتىندىسى بويىنشا ءباسپاسوز كونفەرەنتسياسىندا سويلەگەن سوزىندە:
تاعى 17 جاعداي لومبارديامەن شەكارالاس ۆەنەتو وبلىسىندا، ەكى جاعداي - ەميلي-رومانەدە، تاعى ەكەۋى ريم ماڭايىنداعى لاتسيودا (مۇندا قىتايلىق تۋريستەر) جانە تاعى بىرەۋى پەمونتتە، - دەدى.
ونىڭ ايتۋىنشا، 51 ادام اۋرۋحاناعا ءتۇسىپ، 18-ءى ينتەنسيۆتى تەراپيا بولىمىندە جاتىر، تاعى 11 ادام - ءوز ۇيىندە وقشاۋلانعان، ولاردان كوروناۆيرۋستىڭ جاڭا ءتۇرىنىڭ سيمپتومدارى انىقتالماعان.
سەنبىدە، لومبارديا وبلىسىنىڭ كودونو قالاسىنداعى اۋرۋحانادا پنەۆمونيادان جەرگىلىكتى تۇرعىن 77 جاستاعى ايەل قايتىس بولعانى بەلگىلى بولدى.
Euronews مالىمەتىنشە، 15 مىڭ تۇرعىنى بارا قالاشىقتا تۇرعىندارعا سىرتقا شىقپاۋعا، بالالاردى مەكتەپكە جىبەرمەۋ جانە شىركەۋگە بارماۋ ۇسىنىلعان.
ايتا كەتەيىك، قىتايدا كوروناۆيرۋس جۇقتىرعاندار سانى 75 936 ادامعا جەتكەن، ونىڭ 2442-ءى قايتىس بولعان. 22 888 ادامنىڭ دەنساۋلىعى جاقسارىپ، اۋرۋحانادان شىققان.
