نيۋ-يوركتىڭ ايگىلى تايمس-سكۆەر الاڭىندا قازاقستاننىڭ حالىق ءارتىسى ديماش قۇدايبەرگەننىڭ Love’s not over yet انىنە تۇسىرىلگەن جاڭا بەينەبايانى كورسەتىلدى، دەپ حابارلايدى "ادىرنا" ۇلتتىق پورتالى.
Dimashnews.com سايتىنىڭ مالىمەتىنشە، بۇل ەرەكشە شارانى اقش-تاعى US Dears جانكۇيەرلەر توبى ۇيىمداستىرعان. بەينەبايان ءتورت ەكراندا قاتارىنان، سونىڭ ىشىندە قوس ەكراندى پلاتفورمادا دا كورسەتىلدى. بۇل ورىن تايمس-سكۆەردىڭ ورتاسىندا، مەترو ستانتسياسىنىڭ جانىندا ورنالاسقاندىقتان، مىڭداعان ادام بەينەباياندى تاماشالادى.
ەكراندا كورسەتىلىم باستالماس بۇرىن جانكۇيەرلەر جالعا الىنعان ارنايى زالدا جاڭا بەينەباياننىڭ تۇساۋكەسەرىن تاماشالادى.
7 ناۋرىزدا وتكەن تۇساۋكەسەر كوپشىلىك اراسىندا ۇلكەن قىزىعۋشىلىق تۋدىردى.
Love’s not over yet (ماحاببات ءالى اياقتالعان جوق) ءانىن ديماش گرەممي سىيلىعىنىڭ ەكى دۇركىن يەگەرى ۋولتەر افاناسەۆپەن بىرگە جازعان.
ۋولتەر افاناسەۆ - اقش كومپوزيتورى، پروديۋسەر.
