ءماجىلىس دەپۋتاتى رينات زايىتوۆ مەملەكەت باسشىسى قاسىم-جومارت توقاەۆتىڭ الدىندا ءسوز سويلەپ، ۇلتتىق تەاتر جانە «جاڭا قازاق ادەبيەتى» دەگەن ءپان ەنگىزۋدى ۇسىنعان بولاتىن، دەپ «ادىرنا» ۇلتتىق پورتالى.
بۇگىن جۋرناليستەر «كەشە پرەزيەدەنتتىڭ الدىندا ۇلتتىق تەاتر مەن «جاڭا قازاق ادەبيەتى» دەگەن ءپان اشۋ ماسەلەسىن كوتەردىڭىز. قوعامدا وزىڭىزگە كوتەرگەن ماسەلە قاتتى سىنالدى. ءتىپتى «ەكىنشى مىرزاتاي ءوسىپ كەلە جاتىر» دەگەن پىكىرلەر ايتىلدى. پرەزيدەنتتىڭ الدىندا بارعانداعى كوتەرگەن ماڭىزدى ماسەلە وسى بولدى ما؟» دەپ دەپۋتاتقا سۇراق قويدى.
«مەن ءۇشىن «يا». كەشە جۋرناليست باۋىرىم «جول ماسەلەسىن نەگە كوتەرمەيسىز؟» دەپ سۇرادى. ءار سۇراقتىڭ كورەتىن ماڭىزدىلىق دەڭگەيى بولسا، ءبىر-ءبىرىن ءولتىرىپ جاتقان، ءبىر-ءبىرىن ساباپ جاتقان ۇرپاقتىڭ باستى ىندەتى – يدەولوگيا مەن ۇلتتىق قۇندىلىقتاردىڭ جوقتىعىنان. تەاتر ماسەلەسىن 2021 جىلدان بەرى كوتەرىپ كەلە جاتىرمىن. بىلتىرعى سۇحباتىىمدا دا ەسكەرتىپ «ەگەر مەن پرەزيدەنتپەن جولىعاتىن 2 مينۋت ۋاقىتىم بولسا، وسى ماسەلەنى قوزعايتىن ەدىم» دەپ ايتقام. قوزعاپ قانا قويماي، ماسەلەنىڭ اياعىنا دەيىن ورندالۋىن وتىنەم. مەن پارلامەنتكە كەلگەلى بەرى ەكى ماسەلەنى وقۋ-اعارتۋ مينيسترلىگىنە دە، مادەنيەت جانە اقپارات مينيسترلىگىنە تىكەلەي كىرىپ ايتقانمىن»، – دەدى ول.
سونداي-اق جۋرناليستەر «كەشە دەپۋتات داۋلەت مۇقاەۆ ەكەۋىڭىز «مەكتەپتىڭ 5-سىنىبىنان باستاپ ورىس ءتىلى وقىتىلسىن» دەپ ۇسىنىس تاستادىڭىزدار. بۇل وتە ماڭىزدى ۇسىنىس ەدى. پرەزيدەنتتىڭ الدىندا وسى ماسەلەنى نەگە كوتەرمەدىڭىزدەر؟» دەپ سۇراق قويدى.
«بۇل ماسەلە «جاڭا قازاق ادەبيەتى» ءپانىنىڭ ىشىنە كىرەدى. 1 سىنىپتان 5 سىنىپقا تەك قازاق تىلىندە وتكىزۋ دەگەن ۇسىنىسىم اسحات قاناتۇلى ايماعامبەتوۆ مينيستر بولىپ تۇرعان كەزدە باستالعان. سول كەزدەن 1 سىنىپ تولىقتاي قازاق تىلىنە وتكىزىلگەن. ال قازىر مىسالى ءبىزدىڭ نارازىلىعىمىزعا قاراماي 1 سىنىپتا ءالىپبيىن وتە سالا، 2-سىنىپتا ورىس ءتىلىن وتە باستايدى. مەنىڭ ءوز قالاۋىم – بالالارىمدى ورىس تىلىنە مۇلدەم وقىتقىم كەلمەيدى. زايىرلى دەموكراتيالىق مەملەكەت قالاساق، بىزدە سونداي تاڭداۋ بولۋ كەرەك. بالالارىمىزدى قاي تىلدە وقىتۋىمىزدى ءوزىمىز تاڭداۋ كەرەكپىز»، – دەدى دەپۋتات.
