Májilis depýtaty Rınat Zaıytov memleket basshysy Qasym-Jomart Toqaevtyń aldynda sóz sóılep, Ulttyq teatr jáne «Jańa qazaq ádebıeti» degen pán engizýdi usynǵan bolatyn, dep «Adyrna» ulttyq portaly.
Búgin jýrnalıster «Keshe Prezıedenttiń aldynda Ulttyq teatr men «Jańa qazaq ádebıeti» degen pán ashý máselesin kóterdińiz. Qoǵamda ózińizge kótergen másele qatty synaldy. Tipti «Ekinshi Myrzataı ósip kele jatyr» degen pikirler aıtyldy. Prezıdenttiń aldynda barǵandaǵy kótergen mańyzdy másele osy boldy ma?» dep depýtatqa suraq qoıdy.
«Men úshin «Iıa». Keshe jýrnalıst baýyrym «Jol máselesin nege kótermeısiz?» dep surady. Ár suraqtyń kóretin mańyzdylyq deńgeıi bolsa, bir-birin óltirip jatqan, bir-birin sabap jatqan urpaqtyń basty indeti – ıdeologııa men ulttyq qundylyqtardyń joqtyǵynan. Teatr máselesin 2021 jyldan beri kóterip kele jatyrmyn. Byltyrǵy suhbatyymda da eskertip «Eger men prezıdentpen jolyǵatyn 2 mınýt ýaqytym bolsa, osy máseleni qozǵaıtyn edim» dep aıtqam. Qozǵap qana qoımaı, máseleniń aıaǵyna deıin orndalýyn ótinem. Men Parlamentke kelgeli beri eki máseleni Oqý-aǵartý mınıstrligine de, Mádenıet jáne aqparat mınıstrligine tikeleı kirip aıtqanmyn», – dedi ol.
Sondaı-aq jýrnalıster «Keshe depýtat Dáýlet Muqaev ekeýińiz «mekteptiń 5-synybynan bastap orys tili oqytylsyn» dep usynys tastadyńyzdar. Bul óte mańyzdy usynys edi. Prezıdenttiń aldynda osy máseleni nege kótermedińizder?» dep suraq qoıdy.
«Bul másele «Jańa qazaq ádebıeti» pániniń ishine kiredi. 1 synyptan 5 synypqa tek qazaq tilinde ótkizý degen usynysym Ashat Qanatuly Aımaǵambetov mınıstr bolyp turǵan kezde bastalǵan. Sol kezden 1 synyp tolyqtaı qazaq tiline ótkizilgen. Al qazir mysaly bizdiń narazylyǵymyzǵa qaramaı 1 synypta álipbıin óte sala, 2-synypta orys tilin óte bastaıdy. Meniń óz qalaýym – balalarymdy orys tiline múldem oqytqym kelmeıdi. Zaıyrly demokratııalyq memleket qalasaq, bizde sondaı tańdaý bolý kerek. Balalarymyzdy qaı tilde oqytýymyzdy ózimiz tańdaý kerekpiz», – dedi depýtat.
