جەلىدە رينات زايتوۆتىڭ ى.التىنسارين تۋرالى ايتقان ۆيدەوسى تاراعان ەدى. بىراق ۆيدەو ءۇزىندىسىنىڭ مازمۇنى باسقا بولىپ شىقتى. بۇل تۋرالى ارمان اۋباكىر ءوزىنىڭ فەيسبۋك پاراقشاسىندا جاريالادى، دەپ حابارلايدى «ادىرنا» ۇلتتىق پورتالى.
«اقىرى الگى سۇحباتتىڭ ءۇزىندىسىن تاپتىق. بىزگە بەرىلگەن ەمەس، دۋمان مۇحامەدكارىمنىڭ ارناسىنداعىسى ەكەن. اناۋ جۇرتقا تاراپ جۇرگەن نۇسقادا ءۇزىپ-ءۇزىپ، جاماپ رينات زايىتوۆ ايتقىسى كەلگەن وي مۇلدە تۇسىنىكسىز بولىپ قالعان. مۇندا رينات ىبىراي التىنسارين قازاقشا مەكتەپ اشۋ ءۇشىن ورىس پاتشاسىن قالاي الداعانىن، ۇلت مۇددەسى ءۇشىن ءوز ابرويىن دا تارك ەتۋگە دايىن بولعان جانكەشتى ەرلىگىن ايتقان. ال ءۇزىپ-كەسىپ ەلگە ۇسىنعان كەزدە ىبىرايدى شوقىنعان دەپ ايىپتاعان ادامعا ۇقساپ قالىپتى. بۇل سۇحبات سايلاۋدىڭ الدىندا، وسىدان 8 اي بۇرىن شىققان. سودان بەرى تالقىلايتىن بولسا، الگىلەر قايدا قالىپتى؟ رينات زايىتوۆتى قارالايمىن دەپ كۇن-ءتۇن ۇيىقتاماي ەڭبەكتەنىپ جۇرگەن كىسىلەرگە ءبىر ءسوز ارناعىم كەلىپ تۇر. مۇنداي پايداسىز ىسكە ۋاقىت ولتىرگەنشە ءبىر ءجونى ءتۇزۋ جۇمىس تاپساڭىزدارشى. ايتپەسە، قايتا-قايتا وتىرىكتەرىڭىز شىعىپ قالىپ، كەرىسىنشە ريناتتىڭ ابىرويىن كوتەرۋگە قىزمەت ەتىپ جۇرسىزدەر»، - دەپ جازدى ارمان اۋباكىر.
پوسموترەت ەتۋ پۋبليكاتسيۋ ۆ Instagram
«ادىرنا» ۇلتتىق پورتالى
